قصيدة : يوم ميلادك . مسابقة الشعر العامي بقلم / أحمد محمد سيد

احمد محمد سيد
01158464618

https://www.facebook.com/share/19dgqmSi9u/?mibextid=wwXIfr

بقصيدة
(يوم ميلادك)
مكانتش ليلة مميزة
او ذات تاريخ يدعو البشر للإحتفال
بالعكس كان الوقت صعب
وكل القُري حوالينا مشغولة فِكر وبال
الرعب عشعش ع البيوت والكربة جارت
مبانلهاش تفريج
ساعة ما شَرفت بسلامتك ساعة غبرة
ابوك لوحده ف الكويت والحرب بدأت ف الخليج

محدش ساعتها خد لباله انك ولد
ولا حد زارنا من البلد
لا حتي دبحولك خروف ولا حتي صقر
الكل اجمع وقتها …..
ان انت فقر ،.،.،.،

دا حتي جدك وقتها كان قلبه متشحتف لأبوك
وبرغم حبه لخلفة الاولاد
لا سأل عليك ولا حتي جه يشوفك
وكإنهم سحبوا الجريمة من إيدين صدام
ورموها ف كفوفك…..

الا فاطنة اختك برغم انها
كانت صبية ف عُمر دُمية متفصلة بقماش
كانتلك القَشة الاخيرة وغرفة الانعاش
كانت صغيرة ع الهموم
وبرغم ذلك خدت بإيدك
م الرضاعة للحموم
وكإنك الواد اللي جالها بعد جوعة
علاقتك بفاطنة
زي المراكب والقِلوعة
خدت بإيدك لألف بر وبر
لولاها كان يا بعد الشر …..