الأسم : إسماعيل صالح محمود
البلد : مصر
الاقامة : مصر
موبايل / واتس : 00201220888660
فيس بوك /
https://www.facebook.com/ismail.saleh.188
الفرع : شعر العامية
( يوم وفاتي )
يوم وفاتي لو سمحتوا
بلاش مجاملة بالعياط
اللي مابكاش عليا في حياتي
يوفر دموعه في الممات
و اللي ماكنش صوتها طالع
مش محتاج منها الصوات
و اللي سكت عني في همومي
يوم جنازتي يكمل سكات
و اللي مش فارق معاه
مصيري من موت أو حياة
يعمل ان الوقت فات
الخسيس ويا الأصيل
كله هايتسابق يشيل
كله هايفك الرباط
و الزحام ده كله بجد
ماكنتش شايف جنبي حد
يوم ما صرعتني الآهات
و المدح اللي هايتقال في شهري
كان سلاح يطعن في ضهري
بالمئات
افتكروا ياللي زاد آساكم
يومها مش هارجع معاكم
و معدتش في أحضانكم هابات
يوم وفاتي لو سمحتوا
بلاش مجاملة بالعياط
اللي مابكاش عليا في حياتي
يوفر دموعه في الممات
