الإسم / أحمد السيد طاحون إسم الشهره / فهد طاحون واتس / 01090104850 للإشتراك في مسابقه الشعر بالعامية المصريه اسم القصيدة / 24 ديسمبر الحب أصل الحياه والبُعد مش ممنوع وفراقنا مش معضله ولا آخر الموضوع وكلامنا عن نهايات ترضي الجميع كان وهم والدمع وقت الفراق مقبول قوي ومشروع ************ فمتزعلوش م الموت لو خد في يوم غاليين ولا تحبسوش الدموع ياخلق جوه العين ولا تقتلوش المشاعر والفؤاد موجوع موت الحبايب قدر ......... ومنه هنروح فين ************* مكتوب عليه الوجع والقلب يبقى خريف اللي يفارق ابوه يصبح وحيد وضعيف ع الأرض ضله انكسر من بعد ما كان نور دَفْن الحبايب يخلي الدنيا تصبح بور وايقاع حياتنا وألوانها كئيبه وزيف ************* ويعيش وحيد الجدع وسجين في أحزانه يبكي على اللي مفارق داره ومكانه والدمع ينزل ليلاتي على اللي سابه وحيد ويعيد شريط ذكريات فرحه واشجانه **************** وكل ما ينام يقوم مفزوع من الأحلام وف كل حلم كابوس وف كل ركن ضلام يستنى نور الصباح يلقى الغيوم بالكوم وليله من غير قمر والعتمه طول العام ************* اللي مفارق حياتنا خد معاه الضي زيك ياوالدي انا عمري ماشوفتش زي انت اللي كنت صديق وأب ومعلم رحمه إلهي عليك عدد اللي مات والحي رحمه إلهي عليك ... عدد اللي مات والحي
