عجبى على إنسان
عاملته ب الحنان
وهو كان يخدعنى
وأنا اللى كنت شاريه
وب المحبه أرويه
وهو خانى وباعنى
وأما سيبته فى حاله
وأتبدلت أحواله
سمعنى كلام يوجعنى
خلانى أكره طيبتى
وأندم على اللى كان
وإنى عاملته زمان
ب الحب والحنان
وكنت معاه إنسان
وهو كان غشاش
ومكانش يسمعنى
وانا مهما أقول وأبوح
أحساسى بقى مجروح
ومين هيحس بيا
ومين هيسمعنى
بدعيك يارب الكون
عمرى عليك ما ح هون
أنت اللى علم حالى
وأنت اللى تسمعنى
أنا ياما شوفت كتير
وتعبت م التفكير
فى ماضى كان مرير
يارب ريحنى
عاملت الناس ب الخير
وإتحملت كتير
ولاكنت يوم قاسى
ولا للوداد ناسي
والمر كان كاسي
وزمانى كان آسى
ولا مره فرحنى
وبقيت انا وحدانى
وبعانى من حرمانى
والفرحه نسيانى
والكل جَرَحنى
كلمات الشاعر محمد ثروت عبدالحفيظ
