قصيده : عادي جداً . مسابقة الشعر العامي بقلم / محمد رمضان

الاسم : محمد رمضان
المحافظه : الإسكندرية
رقم التليفون و الواتس : 01272465813
لينك الفيس بوك : https://www.facebook.com/profile.php?id=100024117043218…
نوع القصيده : شعر عاميه مصري
اسم القصيده : عادي جداً

القصيده :-
عادي جداً
مش مستني شئ من حد
ومش هنمد ايدنا لحد
لا قولت لحد محتاجك
ولا محتاج مساعدة حد
كتير خبّطنا في الدنيا
كتير الدنيا فرمتنا
راضتنا الدنيا من تاني
ومسكت ايدنا عدّتنا
عَادتنا الدنيا بالقوه
وخلت قلبنا جاحد
تسيب واحد عشان واحده
تكون واحد نِقص واحد
عادي جداً
مابقاش في لهفه لأي شئ
والدنيا باخت بس بنعافر
كل أما اقول دي المرحلة الأصعب
القى اللي كان جوه السفينة بيتقلب كافر
طب فيها ايه مش صعب..؟
او فيها ايه مش سهل..!
وقت أما قولت فهمتها
كان صابه عقلي الجهل
هي ايه الدنيا يعني
سهله جدا او بسيطه
هي ايه الدنيا اصلا
غير سنين بتفوت عبيطه
سرقت ايه الدنيا منك..؟
سرقت ابنك سارقه بنتك
سارقه صاحبك او حبيبك
عند مَن قال إنهُ
جوا منك وفي وريدك
عادي يعني
سارقه مني انا بردو زيك
سارقه مني حجات جميله
سارقه ضحكي في عز ضحكي
شاب شغال جوا توكتوك
كانت شهادته فنون جميله
عادي يعني سارقه ايه
سارقه كل كلام بيحكي
عن حكاوي ماقولتهاش
شايفه قلبي في نعش ميت
لما قالت إنه عاش
عاش ياعم وسقفوا الناس ع اللي قولته
ماشي مشهد كان كويس كنت تستاهل بطولته
يلا روح وكفايه غم
وابقى قفّل ع اللي قولته
هم ضحك هم بكى
شغل يوم بيوميه فكه
هات جوازه وهاتلي شقه وهاتلي مهر وهاتلي عفش وهاتلي شَبْكه
كل ده..بيوميه فكه
مش بقولك..هم ضحك هم بكى
قالوا عن جيلنا إنه عار
عاشوا بالنِكله في زمانهم
وفي زماننا ال )100( جنيه بتجيب فطار
مش قصدي اعيب في الشيب
انا قصدي بس تحسوا بينا ولما نغلط
قولوا عيب
ماتسيبوش الحبل سايب
وأما نتمادى في غلطنا
تقولوا على جيلنا إنه خايب
كان نفسي اعيش لو ليله واحده
فا شوفت واحده وقولت بس
هي دي اللي انا هبقى ليها
تبقى كل جميل في عمري
وراح متبّت قلبي فيها
شفت بنت في شكل دنيا
شفت دنيا في شكل بير
شفت إنك رافضة قلبي عشان بغير
ياعم عادي ياعم عدّي
كل واحد حابهُ قلبي
كان مصمم يبقى ضدي
قلبي حب قلوبكوا جدا
كنتوا فجر بدون ما يدّن
وأما بسأل سيبتوا ليه..!؟
الرد ليه..!
كان عادي جداً