قلمى الصعيدى ابن المؤذيه
متقلش طلقت بندقيه ولا مدفعيه
مخو ناشف وكلامو ناشف صعيدى
جرىء ومش خايف كره كل المناصب فيه وفيا
اما عنيد يا قلم اهدى وخليك محترم
مسر تحبسنى ولا تبهدلنى
ما هيا بلدنا كدا على الظلم متعودا
انت اللى راجل بين الرجال
وانت الوحيد اللى هتعدل حمل
مال بزياده كفايه ايه الحكايه بتعاند ليه
معيا دا الصبر عدى الصبر
مش انت اللى هتعدل مصر
كلامك ومش عاجب اللى
بيغمزلى واللى رفعلى الحاجب
مش ناقصه هم وغم يا قلم اتلم
وبلاش كلام فاضى بعوكى يا بلادى
اما قليل الادب اذى بعوها مصر
ارضى بعشه بسيطه وسيب للحرامى
القصر اهتف واهتف لمصر
اكدب وقول تحيا مصر
اكدب وانصب يا قلمى وسمعنى بودنى
خلاص محوك يا فقر واعلن نفاقك واحفر لصدقك قبر
وانسى الدمار والنار وارسم خضار وعمار
وزيف الاشعار على كيف كيف الاشرار
لوشفت حد بيقتل اكدب وقول انتحار
وان شفت نيلك جف روح عاتب الاشجار
هيا شربت ميتو واقلعها من الجزور وبلاش اكل الثمار
الباشا تفاحو باغلى الاسعار امريكى شيكى بيكى
وحسابو فى سويسرا مليار دولار
اما انتا يا قلمى غبى مجننى لو ناوى الانتحار
العمر مش هزار ابعد بعيد عنى واكتب اشعار /قلمى ابن المؤذيه /عاميه بقلم الشاعر صبرى ابو ريان
