……..
حبة شباب متجمعين
شلة بنات متمرقعين
حبة مناظر مقرفة
كاتكوا البلى
مع ألف طين
اللاي ف إيد الناشطة
اللاب ف إيد المحبطة
و سيجارة عمرانة بحشيش
و الجيب يعر علشان مافيش
حال البلد
صورة جياع
بيخططوا تاني لضياع
ست البلاد
جايبين مخطط
من بلاد
رافعة النجوم فوق العلم
الحبر جف من القلم
مين اللي جاني
و مين ظلم
الواد فتك
رابط فيونكة ف شعرته
قاعد تنك
و لا يسوى نكلا
ف حتته
تقرف يا شيخ من منظره
من سوس مخرب جتته
الواد تحس أنه ابن بيه
من منظره في قعدته
احيه عليك يا بلد
حبة عيال بيحركوكي بالريموت
حبة عيال عايزني أموت
حبة عيال قابضين دولار
عايزينها تاني تبقى نار
واخدينها تاني للدمار
حبة شباب متمرقعين
مالهم قرار
لكن يا ناس هذا القرار
رغم الغلاء
رغم البلاء
رغم احتكار سوق الدولار
رغم الجنيه أصبح رخيص
وشكله أصبح جد عار
لكن بنمشي ف الشوارع
ف الضلام
أكبر حرام
نجني بايدنا على البلد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
