كاميرة الأيام ****** مخنوق ومزاجى متعكر تقدر مين يامتكدر ولا تتعب ولا تفكر صور فى حياتى واهمانى وشاريه قلوب وبيعانى غلب حيلى واقول تانى انا اللى السكه سرقانى اروح وارجع واتوه تانى صور من كل شكل ولون عالم تغدر ولابتصون وباتفرج على حالهم واعدى كتير وبنسالهم ليه استغرب ما ده حالهم يحبوا اللقطه فى الزحمه قلوب سوده كماالفحمه ولايحبوا الفرح للغير ونفس صورهم الباهته بتتحدف فى كل مكان وبتعجب وانا ساكته وحزنى يبان وتيجى الصوره تكشفنى تاخدنى فى عز تنهيدى والاقى الحظ شايفنى ويجى ياخدنى من ايدى يودينى لركن بعيد مكان واسع كبير جدا حيطان مزحومه بالبراويز بدون تركيز احاول اجمع اللقطات حزينه بوزع ابتسامات على الكاميرات بدون داعى ولا مجهود فلاش قلبى يقول تكات ويتوقف هنا اتحدى وبالإثبات بان الصوره مش ليا عشان ناقصه الأنانيه وحب الذات فارجع تانى للماضى ولا اتكلم واصبر نفسى ع الفاضى ولا اتعلم غريبه ياكاميرة الايام تحبى تصورى فينا لكن صورك ضيوفها قدام كما الساعه بلاكاتينه لايتهزوا لمال ولا جاه ولا يعيبوا فى خلق الله قلوبهم خاليه م الزينه لكنك عاشقه لمظاهر تفارقى الكادر لو طاهر ولو نخِلص تذلينا نورالجنه درويش مصر
