ط
مسابقة الشعر العامى

كان حب شديد. مسابقة العامية بقلم /سامح كمال عزت المنواتى.مصر


خاص بالمهرجان

( عاميه )

( كان حب شديد)

إنسى أى كلام من تانى
دا إنت كل يوم والتانى
جرح جديد

إبعد يالا خلاص وإنسانى
إنت فعلا حد أنانى
والألم بيزيد

عشت كتير جوا فوجدانى
بعت روحى ليك بحنانى
والندم ما يفيد

__________________

عرفت واحده تانيه عليا
وحبك ساكن جوا عنيا
كان حب شديد

صعبانه هى بجد عليا
تلعب بيها و تلعب بيا
إبعد بقى بعيد

ولما غرامى هيحكم ليا
هشوف الغدر مكانه حنيه
يبقى تارى اكيد

____________________

هبدأ تانى حياتى من غيرك
وانت كتر الف خيرك
كان وقت سعيد

لو واحد جانى زى حلاتك
هقوله امشى اوام وحياتك
من بعيد لبعيد

هخلى قلبى ياخد باله
يبقى لوحده ويمشى فحاله
و منك نستفيد

___________________

الشاعر / سامح المنواتى

القاهرة / مصر
الاسم / سامح كمال عزت المنواتى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى