مسابقة مجلة همسة الدولي
نوع المشاركة : مسرحية فصل واحد بعنوان ” كفر الصعايدة ”
بقلم : خلف الله عطالله عبد العليم الانصاري
جمهورية مصر العربية مقيم بدولة قطر
التواصل [email protected] [email protected]
0097470370774
01001454605
المنظرالاول:
– المسرح عبارة عن دوار متسعة حيطانها مبنية بالطوب اللبن مدهونة بالجير الأبيض وعليها بعض الألوان والروسومات لأبو زيد الهلالي وعلي أحد حوائط الدوار بندقيتين قديمة والحائط الآخر كرباج ورأس غزال وعلي الجانب راديوا ومكتبة صغيرة بها بعض الكتب وارفف بها تحف قديمة والحائط الآخر حصيرة مرسوم عليها الكعبة وتتوسط الدوار مجلس العمدة وعدد من الدكك والتي يجلس عليها( العمدة حامد ) رجل في الخمسينات بشارب طويل ملفوف وهيبة و بجلباب أبيض وعمامة كبيرة وعباءة سوداء وعصا ملتوية – ( الوقت في العصاري ) – ينادي العمدة ويصقف : واد يا حمدان .
يأتي حمدان مسرعا: تحت امرك ياحضرة العمدة.
العمدة : يضع صوابعه في بعضها وينظر الي سطح الدوار ويأخذ نفس عميق وينفث في الهواء ويلتفت الي حمدان ويقول : انا شفت حلم وجع قلبي يا واد يا حمدان .
حمدان : خير اللهم اجلعه خير يا جناب العمدة
العمدة : شفت الناس في كفر الصعايدة بتبكي وبيندهوا علي متسبناش يا عمدة احنا بنحبك ملناش غيرك انت كبيرنا لو مت هنضيعوا من بعدك ولقيت نفسي راكب حصان ابيض وطاير وفجاة طائر اسود غريب كبير ضرب الحصان موته وانا لقيت نفسي في بئر مش قادر اطلع مسكت الحب الحبل انقطع وقمت مفزوع .
بحط ايدي علي جسمي عايش ولا ميت غرقان ولا في النفس .
العمدة يقف ويقول لحمدان : عاوزك تلف علي الكفر كله نفر نفر اى حد عنده مشكله يجيني هنا ونادي في البلد العمدة حامد هيحل مشاكلك يا بلد واللي مش بتخلف هيجلها ولد روح بسرعة يا واد لحد مغير خلقاتي يكون أهل الكفر وصلوا.
المنظر الثاني
العمدة يرتدي جلبية صوف اسود وشال كبير علي كتفيه وعمامة بيضاء .
العمدة يصقف وينادي بت يا فاطمة : هاتي الشاي والحلويات والفواكة علشان اهل الكفر بسرعة جاكي خابط في نفوخك
فاطمة : حاضر يا عمدة حالا
العمدة يرجع الي الوراء ويرفع شنبه وتدخل فاطمة والخادمات بالمشروبات
يدخل حمدان جري
حمدان: يا عمدة يا عمدة بصوت عالي
العمدة :مالك يا واد جاك وجع في بطنك صوتك عالي ليه ياد قبر لما يلمك
حمدان : البلد كلها مشاكل يا عمدة الكفر كله بره الدوار عملين زي النمل علي العسل
العمدة : واحد واحد يا والاكبر سناً يا يواد
حمدان : حاضر يا عمدة و ينادي واحد واحد يدخل والكبار الأول ينادي حمدان تعالي يا عم عبد البصير اتفضل ارفع رجل العتبة قدامك
عبد البصير : سلام عليكم يا عمدتنا
العمدة: وعليكم السلام ورحمة الله وبركاته اهلا يا عبد البصير خير
عبد البصير :عندي مشكلة يا حضرة العمدة محتاج دكتور عيون كويس !?
العمدة: عيونك زي الصقر يا عبد البصير مالك خرفت علي كبر ولا ايه
عبد البصير : في الحقيقة يا عمدة بقالي فترة ما بشوفش فلوس في محفظتي
العمدة :ههههه ضحكتنا يا منيل خد 10جنيه بحالهم وسلامة عيونك واول كل شهر تيجي تاخد البريزة
عبد البصير :تعيش يا احسن عمدة في الدنيا ربنا يخلهملك يا رب
العمدة :يصقف يدخل بخيت
العمدة : خير يا بخيت
بخيت : يا عمدة من اسبوع واخد الحمار والحشيش ورايح السوق ابيعهم وقفني عسكري سألني ايه في الشوال قلت له حشيش يا بيه مسك في وقال لي بتاجر في الحشيش
قلت : ايوة يا بيه هو حرام ولا ممنوع قالي نهارك مطين وخدني علي القسم وعملي محضر وحبسني ليلة والصبح الظابط سألني جبت الحشيش دا من فين يا بخيت قلتله زارعة في ارضي يا بيه قالي وكمان بتعترف قلتله هو حرام ازرع برسيم وقف الظابط برسيم ولا مخدرات وضحك كتير قلت له والله برسيم وشوف بنفسك فتح الظابط الشوال لقاه برسيم وسبوني بس جتتي نحست من البرغوت والظلم يا عمدة.
ضحك ههههه وقال العمدة : من هنا ورايح الشوال يكون مكشوف واللي يسالك قله برسيم من مزرعة العمدة يا بخيت مش حشيش
بخيت : حاضر يا عمدة
العمدة : وانا هروح للمأمور بكره الصبح وانت معاي واحكيله حكايتك وأجبلك حقك
بخيت : تعيش يا حضرت العمدة.
العمدة : يصقف الي بعده يا ولا
حمدان يدخل ومعاه سعفان والمصواتي ومسكين في بعض بتخنقو
العمدة : سيبه منك ليه جاك خابط هي حصلت تتخانقوا قدامي يا نور تعالي يا سعفا ن ايه الموضع؟
سعفان : يا حضرة العمدة انا رحت اشتري كيلوا لحمة لقتها 25 جنيه انا مش معاي المبلغ دا فضلت افكر وقلت اخد العيال وامهم واصورهم صورة جنب العجل رحت لبكر المصوراتي بيقلي 5 جنيه انا اقله جنيه يقلي 5 جنيه مسكنا في بعض
يرد بكر المصرواتي ويعدل جلبيته : امال الصورة جنب العجل بخمسة جنيه امال جنب جناب العمدة بكام
حمدان وهو مش واخد باله وربنا ما اخدها ولا بمليم ضحكو القاعدين
ينط العمده من على كرسى العموديه هو انت يا بوز الإخص؟؟ ياللى تنشك فى بطنك و لسانك متبري منك هحبسك ومش هخليك تخدمني تاني يا حمدان
حمدان : والله بضحك معاك يا عمدة يضحك العمدة هههههههههه عارف يا حمدان
العمدة : بكر صورهم علي حسابي ومتخدشي منهم قرش واحد وبكره فيه عجل هيندبح للكفر كله وكل بيت ليه كيلو ونصف لحمة بمناسبة افتتاح المستوصف الجديد والمركز التعليمي ومصنع الأعلاف وبلاش ارتفاع الاسعار لازم تسمعوا كلام الريس وتحافظوا علي البلد واللي هلقيه يرفع سعر حاجة حبس وغلق وغرامة يا كفر .
سعفان : الله اكبر ربنا يكرمك يا عمدة ويجلعه في ميزان حسناتك
بكر : انا يا عمدة حرمت ابيع الصورة غالية من الآن 75 قرش ودا وعد
العمدة : تمام اتفضلوا انا هقوم اصلي العشاء ونرجع نحل باقي المشاكل يرتفع الاذان الله اكبر الله اكبر اشهد ان لا الاه الا الله واشهد ان محمد الرسول الله ويدخل الليل شيئا فشيئا ويظهر قرص القمر يضئ السماء .
المنظر الثالث
العمدة يدخل بنفس الجلبية في المنظر الثاني ليكمل حل مشاكل كفر الصعايدة
العمدة يصقف : يدخل حمدان ومعاه ناظر المدرسة الابتدائية بالكفر
العمدة : خير يا استاذ عبد المتجلي
عبد المتجلي : العيال في المدرسة سرقوا العلم يا عمدة
العمدة : هي وصلت لكده طيب ايه السبب يا استاذ عبد المتجلي
عبد المتجلي : علشان يشجعوا مصر بعد فوزها علي غانا واحد : صفر
العمدة : يضحك هههههههه ويضحك الحاضريين ايه الوطنية المبكرة دي يا ولاد الكفر بتعنا اتطور .
العمدة : دخل العيال يا حمدان
العيال : خائفين وبيبكوا مش هنعمل كدا تاني يا أبا العمدة
العمدة : متخفوش يا ولاد ومتسرقوش تاني السرقة حرام وانا هبعت للخياط يعملكم 50 علم يكون في مركز الشباب بتاع الكفر عند الكابتن شطة لما تحبوا تشجعوا مصر تروحوا تستلموهم وبعد كدا اترجعوهم تاني وكمان كل واحد طقم شورت و فانلة علشان هنعمل فريق كفر الصعايدة لكرة القدم وندخل المونديال 2022
العيال : فرحانة وسعيدة شكرا يا عمدة ومش هنسرق تاني وهنجي لجنابك
العمدة : فيه حد تاني بره يا حمدان
حمدان : ايوة يا عمدة اكبر مشكلة ابن عمك فتحي قتل 10 من عيلة السوايقة
العمدة يقف والغضب يظهر علي وجه ولد الفرطوس والواد الفاشل دا هيضيع العيلة كلها ويهدم كل اللي ببناه في السنين اللي عدت
العمدة بصوت عالي هتوه هنا قبل الفجر .
حمدان يا عمدة يا عمدة بصوت عالي مسكنا فتحي
العمدة : ليه ولد عمي الدم مبيخلصشي التار نار بتحر ك كل حاجة في طريقها
فتحي :وشه في الارض وجلبته ملطخة بالدم
العمدة : حمدان دخلوه الحبس حالا وروح للسوايقة وهاتلي الكبار فيهم وخاصة الشيخ عبد الله والحاج عاطف والدكتور خليل
حمدان : جري ومعاه الغفر حاضر يا عمدة حاضر يا عمدة
العمدة : يترمي علي الدكة والدموع تنزل من عينه ويرفع عينه الي السماء ويرفع يا يديه يا رب انت المعين علي حل المشكلة دي لو اسيب العمدية واسيب البلد المهم تتحل ونحقن دم عيالنا
يدخل حمدان ومعاه السوابقة
العمدة : يرتب نفسه اتفضلوا مش عارف اقول ايه لكن احنا ولاد عم وبلد واحدة و قدام مشكلة كبير والتار مش هيخلص وعاوز اعرف طلباتكم لو عوزين نعمل قعدة صلح لكن لازم نتفق هنا انا جمعتكم لأنكم اهل علم وادب وفتحي غلط ولازم يتحاسب وكله بالقانون واللي تشوفوه
الشيخ عبد الله : يا عمدة احنا جينالك لاننا عرفينك عادل واحنا اجتمعنا وهنتنازل عن الدم وتنحل المشكلة بشرطين
العمدة ايه هما ؟
الشيخ عبد الله تتنازل عن العمدية لحد تاني غير عائلتكم والشرط الثاني تسيبوا البلد كم سنة لحد متهدي الامور لانه ولد عمك قتل 10 من زينة الشباب ؟
العمدة : ودا حل يا شيخ عبد الله بيت حامد اكثر من 100 بيت وارضهم وحالهم ومالهم يرضيك علشان غلطة من طايش يسيبوا بلدهم اللي اتربوا فيها ويعيشوا غرب في بلاد الخلق اما العمدية سهل بعطيها لابن اختي انا كبرت وعملت اللي علي
الشيخ عبد الله : مفيش كلام ثاني يا عمدة
العمدة : خلاص اعطونا فرصة اكلم العائلة
العمدة : واد يا حمدان لم العائلة كلها في الدوار الصبح لف عليهم بيت بيت
حمدان : حاضر يا جناب العمدة
وقام الضيوف طلبوا الانصراف وقام العمدة يلملم عباءته ويقول حسبنا الله ونعم الوكيل حسبنا الله ونعم الوكيل .
المنظر الاخير
الدوار كما هو ساعة الصباح
يدخل العمدة ويجلس ويدخل حمدان : صباخ الخير يا حضرة العمدة
العمدة :صباح النور يا حمدان
حمدان : العائلة متجمعة كلها من الفجر يا عمدة محدش نام من امس
العمدة : دخلهم
العائلة : سلام عليكم يا عمدة
العمدة : وعليكم السلام اتفضلوا يا ولاد عمي
العمدة : قعدت مع بيت السوايقة امبارع واتفقنا علشان نوقف الدم اني اتنازل عن العمدية لابن اختي حمدية
العائلة اللي تشوفه يا عمدة
العمدة : وطلبوا اننا نسيب البلد فترة حتي الامور تهدي
العائلة : ودا حل يا عمدة
العمدة : امر الله
العائلة : اللي تشوفه
العمدة : كل واحد يروح علي بيته ويلم عزاله وعيالة ويختارله بلد يروح فيه ومحدش ينزل البلد قبل 20 سنة
فتحي ولدنا غلط ولو حكموا عليه بالموت هسلمه
واثناء حديثهم كل عائلة السوايقة سمعت الحديث وعينهم دمعت وحبهم للعمدة نساهم الدم
دخل الشيخ عبد الله وباقي العائلة : احنا مسمحين يا عمدة فتحي يقدم كفنه والعيال الي اتيتمت فتحي يصرف عليهم لمدة 25 سنة لحد متكبر العيال وانت عمدتنا منتخلوش عنك قامت الرجال تحضن في بعض وكله بكي وفضلوا يقولوا الله اكبر الله اكبر الله اكبر عليك يا كفر الصعايدة الله عليكي يا مصر واغلق الستار .
تمت بحمد الله
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
