كلهم باعوه حتى عمر.. قصه قصيره .احمد بيومى ..بلقلم / أحمد بيومى

اسره متوسطه مثل معظم الاسر المصريه والعربيه ..
الزوج يعمل معلما لماده الرياضيات فى احدى مدارس جمهوريه مصر العربيه الحكوميه ..وزوجته ايضا تعمل معلمه فى احدى المدارس الابتدائيه ..لديهم خمسه من الاطفال بنتان وثلاثه من الاولاد ..كانت الحياه تمضى رتيبه ممله ..استيقاظ عند الفجر استعدادا للنزول الى العمل ثم عوده سريعه من الزوجه تحمل فيها احتياجات الاسره ثم معركه يوميه تستهلك طاقتها فى اعداد الطعام وغسيل الاطباق والملابس والزوج يعود بعد ان يعطى احدى المجموعات الدراسيه داخل المدرسه لا يحمل غير جريده وكيس من الفاكهه ..
وفى احد الايام صرخت زوجته فى وجهه ..جمال..انا معدتش قادره على العيشه دى ..انا زهقت بصراحه ..
بهدوء اجابها جمال ..ايه اللى حصل يا هاله بس ؟ فيه ايه فهمينى ؟ ردت هاله بعصبيتها المعهوده ..النهارده 10 فى الشهر الفلوس خلصت ؟ يرد جمال …طاب وانا اعمل ايه ما انت بتاخدى كل المرتب بتاعى وموش بتتركى ليا غير 200 جنيه مواصلات والجرنال وكبايه شاى فى المدرسه وحتى القرشين اللى باخدهم من المجموعات بشترى بيهم شويه فاكهه ليكم وبدفع منهم الكهربا والميه والغاز اعمل ايه تانى ..؟
ردت بغضب ..تسافر ..ايوه تسافر ..؟ العيال بتكبر ومصاريفهم بتزيد وبكره الى راح يدخل الجامعه والى عاوزه تتجوز تعرف تقولى راح نعمل ده كله من فين ..؟ رد جمال ..بس الولد عمر ده انا متعلق بيه قوىوهو ا كمان .ردت هاله …سافر يا جمال علشان عمر قعدتك هنا موش راح تنفعه وسافر الاستاذ جمال فعلا الى احدى دول الخليج ..ومر عام ..وعام ..وعام ..وكبر الاولاد ولكن كان الاستاذ جمال يدفع ثمنا باهظا من عمره واعصابه وشبابه مقابل المال الذى يرسله لاسرته كل شهر ..فارسل لزوجته واولاده يرجوهم ان يعود بعد انتهاء العام الرابع ..فكان الرد ..احمد و على دخلوا الجامعه الخاصه ومصرفاتها نار ..وعليهم اقساط العربيات واشتركوا كمان فى النادى وعليهم اقساط ..والبنات نوال اتخطبت ومحتاجه جهاز وسعاد فى ثانويه عامه وعاوزه فلوس الدروس ..فرد جمال طاب حتى ارجع علشان الولد الصغيرعمر وربنا يبقى يدبرها ..فردت زوجته برساله نصيه .. عمر يقول لك انه بيحب مدرسته الجديده الخاصه للغات وعاوز يكمل فيها….كلنا قررنا وبالاجماع انك تخليك هناك ….تمت ..احمد بيومى