كنا زمان
عزوة وعيلة واهل واحبة مع جيران
كان فيه ما بينا مودة وطيبة مع حنان
شوفتوا يا خلق كنا فين
وبقينا دلوقتى يا دنيا فين
بعد ما كنا بالميدان متجمعين
تحت العلم نهتف يامصر حالفين يمين
لنضحى بدمانا وروحنا فداك تهون
وكانت الايادى متشبكين
الهنا واحد
ووطنا واحد
ودستورنا واحد
ومكنش ابدا فيه بينا جاحد
وحدة وعلم وسلام ودين
دلوقتى دار بينا الزمان
احزاب فصايل ومنظمات وماجورين
والاخ على الاخ يا دنيا هان
اصبحنا فعلا متفرقين
متشتتين الحق تايه منا فين
وبين الاحبة جوه بلدنا متغربين
بتجرى من بين ايادينا السنين
مستسلمين ومسلمين
بندور ندور على كان بينا زمان
والطفل يا دنيا الى لسه كان
جوانا لامبارح بيحلم بالامل ويا الامان
يرقص يغنى ويهدى شعره للوطن
شاب شغره وشعره صبح موال حزين
وبكره راح يبلغ يا دنيا بسنه فوق الاربعين
بينعى بشعره من الالم حزن وحنين
وحبره لشعره اليوم صبح من دمع العيون
فى ذكرى ثورة طهر راحوا فيها المخلصين
بادعى واناجى بشعرى رب العالمين
ينصر بلادى ويحميها من الطامعين والمغرضين
وبايد رئيسى العم سيسى يعود لينا تانى الوطن
شعب وجيش ونصارى ويا مسلمين
برباط ليوم الدين
بقلم
=== الشاعر \ راسم محمد
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
