الاسم : هانى فايز ياسين ٠١٠٠٢٨١٩٩٠٨ اسم القصيده : كنتى هايله شعر عامى ................................. كنتى هايله كل جمهورك بيهتف هى دى اللى بجد لعبت دورها صح اللى باعت اللى خانت اللى قدرت تبقي اكتر من ممله كنتى هايله والروايه عاديه جدا السيناريو سخيف وكان مليان ملل المؤلف واللى انتج واللى اخرج كان هدفهم فى الروايه هو تدمير البطل وانتى قولتي الدور مقاسي اصل قلبي بطبعه اسي من زمان بيدق كدب عمره متعلم يحب يعني بملك كل أدوات الخيانه البطل هسقيه بإيدى الغدر صافي هقتله بخنجر ومسموم بالاهانه المؤلف واللى انتج واللى أخرج قالوا بس هي دى اللى هتبقى بطله مش بقولك كنتى هايله كنتى شاطره كنتى قادره كنتى فاجره كنتى مره كنتى جمره كنتى علي غدرك مصره لما بإديكى اندبحت انتى وقفتينى ضايع ع السلالم اللى بطلع لتحت ولسه راجعه تقولى اسفه كنت ليكى أمان وحب وانتى كنتى عبوه ناسفه بس عارفه رغم كل الجرح ده ومكرهتكيش بس حبيت بعدى عنك قولي اسفه .. قولي ندمانه وهموت .. قولي كل اللى تقوليه البقاء لله مبترجعش ميت فمن فضلك متترجيش لانى بجد مش هرجع أنا مليت اروح لحجات معاها بموت وبتوجع فمن فضلك خلاص هرحل وهقتل قلبي لو عادلك انا مقدرش أعيش مدبوح مابين ظلمك وبين عدلك انا مليت اكون موجود مابين شمسك وبين ضلك انا عايش مابين ومابين لا انا نصك ولا .. كلك ولا طايل اعيش مرتاح برغم البعد ولا طايلك لانك ميه مبتسقيش فمن فضلك متستنيش سفينتك ماشيه عكس مابحرى بيودى وبيحرى معادش يتحمل وجودك فيه أنا اللى زرعت ياسمينك لكن ندمان زرعته ف ارض مش أرضي وبدلت اللى مش مفروض وكان مفروض مبدلهوش وحبيت اللى بتحبيه وانا فى الاصل مش حبه وكل دا كان عشان ترضي يا أكبر وهم توهني ومرجعنيش فمن فضلك متستنيش
