خاصه بالمسابقة المسرح
للشاعر / عيسى عبد الرؤوف/مصر
0000000 (كوسه وعروسه )00000000 (كومديا )
الشخصيات
1/ رئيس مجلس إدارة الشركه (الاستاذ مجدى )
2/مدير الشركة …………………(الاستاذ مرزوق )
3/عامل الشركة ………………..( عمى مبروك )
المتقدمون لشغر الوظائف بطابور الانتظار
1/ جابر صعيدى من سوهاج (30 عام )
2/محمد من شبرا……………(25 عام )
3/خليل من حلوان …………..(60 عام )
4/ابو شفه الاصلع …………..(40عام ) (بلطجى )
5/سفروت ……………………(بائع متجول )
6/بوسى من الهرم …………(20 عام )
=============================
سيناريو حوار
عمى مبروك /عامل الشركة وفى تمام الساعة السابعة صباحاً
………………أقبل على الشركة وهو راكب دراجه ووجد امام الشركة
……………… الكثير من المتقدميين لشغر الوظيفه ووجدهم نائمون
……………… على كرتون واحزيتهم تحت رؤسهم منذ الليل فقال
…………….. يافتاح ياعليم يارزاق ياكريم إصطبحنا وصبح الملك لله
……………… هما الجماعه دول نسيوو مكان البوسطه وجايين
…………….. يقبضوا المعاش من هنا ولا إيه .إنت ياعم أنت وهوه
……………… دى شركه مش مخيم لاجئيين اوعه وسع شوف لك
……………… مكان تنام فيه خلينا نشوف اشغالنا
مجموعة المتقدميين / تفرقوا وافسحو الطريق لعمى مبروك
……………… وفى هذه الاثناء وصل كل من الاستاذ مجدى والاستاذ
……………….. مرزوق
الاستاذ مجدى / صباح الخير ياعم مبروك
عمى مبروك / صباح الخير ياسعادة الباشا هو النهارده عندنا حاجه
………………فى الشركه يااستاذ مجدى
الاستاذ مجدى /والله ياعم مبروك انت كبرت وعقلك ديماً فى التوهان
…………………. وانت عارف من شهر ان النهارده ميعاد تقديم الطلبات
………………….. عشان عايزيين سكرتير للشركه
عمى مبروك / ماتاخذنيش ياسعادة الباشا السن ليه حكم والعيال
………………. موريانى الويل وعقلى مش معايا
الاستاذ مرزوق / انا شايف ناس كتير بره ياريت ياعم مبروك تبدأ
…………………. بدخول واحد واحد
عمى مبروك / حاضر ياسعادة البيه
……………….عمى مبروك خرج وجد سفروت البايع المتجول شايل
……………….كرتونه على كتفه وماشى على الطابور
سفروت / مركب وجات غلطه تمن إبر خياطه واتنين صوافى ومشبك
………….. بنص جنيه ولا استغلال المحلات
…………… جلده للكارنيه والبطاقه
…………….. سجاير بسكوت شوكولاته بالكريمه
عمى مبروك / ايه ده .انت يابنى انت احنا مش فى قطر هنا دى شركه
………………….. محترمه أول واحد يدخل للاستاذ مرزوق
جابر الصعيدى / حاضر ياعم مبروك ربنا يدعل فى وشك القبول
……………….. دخل جابر الصعيدى وفى يده شنطه سوده بلاستك
……………….. صباح الخير يا افنديه ومد يده فى الشنطه وقال والله
………………… ياسعادة البيه من الزرعه على هنا وصابحه وطلع
………………….. الكوسه من الشنطه وحطها على المكتب
الاستاذ مجدى / انت يابنى بتعمل ايه انت داخل شركه ولا داخل
……………………. سوق العبور كوسة إيه وبتاع إيه اطلع بره
جابر الصعيدى /عدم المواخزه يابيه واد عمى مخيمر قاللى كل حاجه
…………………… بالكوسه وانى سمعت كلامه معلش يابيه
الاستاذ مرزوق / طيب روح روح على بلدكو ولما نبعتلك تيجى
…………………./ إاللى بعده ياعم مبروك
محمد شبرا / دخل محمد صباح الخير انا محمد من شبرا وعندى
……………../25 سنه
الاستاذ مرزوق/ اشتغلت قبل كده يامحمد فين
محمد شبرا / والله ياسعادة البيه كنت شغال عجلاتى مع ابويه الاسطه
………………… بليه ولما عرفت الشركه عايزه موظفيين جيت
الاستاذ مرزوق/ طيب هنبعتلك اتفضل إللى بعده
خليل من حلوان / داخل يكح وواحد سانده اه يانى انا تعبان يابيه وعايز
……………………. اشتغل اى حاجه ان شاالله مدير
الاستاذ مجدى / انت ياعم خليل مش هتلحق تروح على بيتكم روح
…………………….. عزرائيل طالب موظفيين انت عايز حد يشيلك
…………………………….إللى بعده ياعم مبروك
ابوشفه الاصلع / خبط الباب برجله وواخد بشل فى وشه وحاطت قطن
……………………. وصبغه انا عايز سكر وزيت وسمنه زى كل الناس
الاستاذ مرزوق/انت مجنون دى شركه مش جمعيه اطلع اخرج بره
……………………….. فين الحكومه تلم الاشكال دى
ابوشفه / انا مش طالع من هنا انا هبشلكو لو ماخدتش
………….. وراح على الاستاذ مجدى والاستاذ مرزوق دخل تحت المكتب
…………….وبعد مداولات وشد وحذب ابو شفه ذهب ناحية الباب للخروج
……………… والاستاذ مرزوق خرج من تحت المكتب ومشى خلفه ورفع الكرسى
………………. وعمل فيها بطل ولما التفت له ابوشفه نزل الكرسى وقال له اتفضل
………………… استريح ووشه اصبح احمر من الخوف
بوسى /دخلت وشعرها مفرود ولابسه بنطلون فيزون وبادى مفتوح الصدر
…………… وفى فمها لبانه وقالت بونسوار وقف الاستاذ مجدى والاستاذ
………………مرزوق وقال احنا مش هنطول عليكى لوتحبى تستلمى
………………. الشغل من دلوقتى انا تحت امرك تعالى هنا مكانى على الكرسى
============================================
سيناريو وحوار / الشاعر عيسى عبد الرؤوف
