كيف تحدد درجة اصابتك بكورونا ؟! بقلم /د. مصطفى هاشم

• كحة مستمرة لا تتحسن او تختفي بالادوية = تختفي وتعود = كأنك مريض ازمة صدرية

• حرارة مستمرة = تختفي وتعود = غالبا تكون 39 وترجع تاني 39

• ضيق في النفس لدرجة انك تفضل الجلوس عن النوم عشان تقدر تاخد نفسك = وضيق النفس المريض يشعر بيه وكأن حد واقف علي صدره

• واقف مش قادر = مهدود = زي مريض الكبد الوبائي كده = هفتان

• نهجان = زيادة معدل التنفس = حركة الرئة زيادة

• زيادة معدل ضربات القلب = فوق 100

• لا يوجد فقدان لحاسة الشم والتذوق

• فقدان الشهية = ملكش نفس تآكل

• مستوي الاكسجين في الدم = من 90% .. ( الطبيعي من 95-100% )

كل الاعراض دي : مع بعض + لمدة أسبوع كورونا شديدة بنسبة 90%

.. وهنا بس تخاف ..

واول تحليل تعمله قبل اي تحليل دم كمقياس للاطمئنان هو ( نسبة اكسجين الدم ) لانه حاليا مش مشكلة انك تكون مصاب لكن الموضوع اصبح ؛ هل اصابتك خطيرة ام لا ..

والاختبار ده سهل جداً وتقدر تعمله كل يوم وكل ساعة بدون نقطة دم واحدة ..

• لو فقدت حاسة الشم والتذوق = ممكن تكون مصاب بكورونا = لكن اصابتك خفيفة .. فقدان الحاستين دول علامة لصالحك

• لو دايما مستوي الاكسجين يقترب من 96% .. اطمن حتي لو مصاب

لو عندك كحة واختفت ، او حرارة واختفت تماماً ، او مفيش نهجان ، او مفيش هفتان ، بتاكل كويس ، لو بتعرف تنام كويس ، لو ضربات قلبك طبيعي = حتي لو مصاب بكورونا .. إطمن ..

وخلي عينك دايماً علي مستوي الاكسجين بالدم فقط او ان الاعراض دي تزيد = تتحول للاعراض اللي فوق في اول المقال

خلي بالك انه العالم حاليا بيحاول يختار الحالات التي يتم احتجازها ( = شديدة الخطورة ) .. وبالتالي الفحص هنا مش ضرورة ( = مش مشكلة تعرف انك مصاب او لا .. لكن المشكلة هل ان حالتك خطيرة او بسيطة ) ..

لا تكلفوا الناس فوق طاقاتهم اشعة وتحاليل طبية ووظائف دم وPCR .. وليكن التعامل في هذه المرحلة اكلينيكياً .. وده مناسب جدا لو اعتمدناه كخطة مقاومة للكورونا ..

لية ؟

لاننا في بلاد فقيرة وهنا في هذه الاستراتيجية تكون = عين المريض علي نفسه + كشف الطبيب بسماعته واستقصاءه للتاريخ المرضي = كل التحاليل الطبية التي تكلف المريض الفقير مالا يطيق ..فلا نرهق الشعوب ولا الحكومات وهنا تلتقي البروتوكلات الحديثة مع الواقع الاكلينيكي ..

لانه لو مثلا ذهبت لمستشفي والطبيب قالك عندك كورونا لكن روح بيتكم .. هنا انت كمريض عرفت ان الموضوع فقط : حالتي كويسة ولن تعترض .. ولن يمكن عندها استخدام الكورونا كورقة ضغط سياسي لا علي حكومات ولا علي دول لاقرار ثورات

ولا تضع اي اعراض اخري اعتقادا منك انني نسيت بعضها ( احتقان ، تكسير في الجسم الخ ) .. فانا اسقطتها عمداً لانها لا تهم في شدة الحالة وانما في تحديد الاصابة فقط .. لانه مش كل احتقان كورونا وهنا سوف تشتت الناس ..

خد كلامي فقط وعذراً فقد تكلمت باللغة العامية لتقريب الفهم للناس