لحظات الموت . مسابقة الشعر العامى بقلم / أحمد بركات من مصر

لحظات الموت قصيده شعر (عامي)
الاسم /احمد بركات
الجنسيه /مصري
رقم موبيل /01100613365
لحظات الموت بيخطفني واخر نظره من النني
عيون امي دي بتصوت ورح اختي مصحباني
وقلمي من الفراق يبكي دموع من حبره نزفاني
حيطان البيت بتتشقق وتتهدم وماسكه فيا حضناني
وتصرخ فيا احزانها فيتني لمين يشخبطني يلخبطني باشعاره
فيتني لمين ومين بعدك دي صعبه الوقفه دي في بعدك ياباب البيت واسراره
وصوت امي انا سمعه مالي وداني سيبني لمين يسندني
فيتني لمين يعزيني
ومين في الجرح هيطبطب ومين يمسح دموع عيني
يا رحله مشيتها ومشيتني يابذره فرحه سكنتني
يانور الدنيا ونهارها ده مين في البعد هيغتني
ياسند الضهر يخويا يا قلب الاب في الغيبه
ياحصن ودرع لضلوعي ياصوت الحب والهيبه
يا تيجي معايا م الاخر يا تتاخر ودفيني في احضانك
وايه الداعي تسيبني اعيش وتاخد روحي ف اكفانك
فيتنا لمين كده مسافر ده نبض القلب بيعافر
مجرد انه يتقبل فيتحول لضرب في الضلوع بارح فيوجعنا يبكينا
فيتنا لمين ومين باقي ومين في عطشنا يروينا
ومين غيرك يكون ساقي ومين بضلوعه يحمينا
فقوم ارجوك وانقذني وحرر قلبي من خوفي
وكتف في العيون دمعي وكمم اهتي دي في جوفي
وقوم يالا كده ونشف عرق امك الخايفه وهدي حجتك الثايره
ومسك ايدك الدفه هم وكمل الدايره
وسط البكا والحزن وقف الزمن لحظه واختي مصاحبه البكا في سكوت
وامي ايديها خطفاني بتتحايل علي الموت
وتزرع روحي جواها وتطلق طلقه تولدني
وتدعي الرب يحفظني وتدعي لربها يعدني
وتنزل جنبي وتكبر تبص في وشي تتصبر بحق الدعوه ياامي نبض القلب بيعود
واصرخ صرختي الاوله وانزل تحت اقدمها كما عيل في وضع سجود.