مسابقة العامية كلمات …اسامة محمد عبد العليم محمد العيسوى..الجيزة ..مصر
……….
لسة بتحلم
لسة مصدق ان دموعك
تقدر تصنع يوم شلال
يغسل كل ضمير العالم
لسة مفرط كده فمشاعرك
وان مافيش ف الدنيا محال
طيب واهبل قوى ومسالم
اتهموك انك انت بريىء م القهر
واترجوك انك تغسل كل فلوسك
لكن رجلك لسه بتحلم ءانها تحضن
اخر خطوة وهى بترمى تراب الفقر
شب لفوق فوق البرج
شوف معشوقتك وانت بتبكى
لما خيوط ديل فستانها عمالة تولع
وانت عنيك م النار بتنور
ترفع راسك سابقك قلبك
قبل كفوفك وانت بتدعى
يروح الكرب عنى وعنها
موقف صعب ومش مفهوم
ان غروب ضوء الفجر يبقى قرار
لبداية يوم
اركب حلمك وارمح بيه
اوعى خيوط روح الشمس
تفلت منه فليل يداريه
عرى حدود كل الخوف
غير كل ستاير قلبك
اضحك لما تكون مكسوف
وابكى حزين وانت فضعفك
تلقى الكون حن عليك
وبيفتحلك ميت شباك
تلقى حبيبتك باصة عليك
وبتندهلك صوتها الناعم
عمال يسرى جوه نخاعك
بيقويك وينسيك كل دموعك المجروحة
وبتستفسر منك مالك وبتمحيلك
كل الامك مع تجاعيدك
كل كلامك المتشفر بقى مفهوم
كل حدودك لونها الاخضر
بقى مرسوم
وانت بترمح
ف الألوان مش دريان
ان ده حلم
تصحى وعرقك عمال ينزف
ويغرقلك كل حدودك اللى بتعرف
تظهر فيها
واللى مجمد نبضة قلبك
ان حبيبتك لسه عنيها
بتقدر تضحك
لسه ءايديها بتقدر تملك
كل خيوط أصل اللعبة
وتوضحلك ان الحلم
اللى انت حلمته حلم بجد
ماهواش لعبةl
