مسابقة مهرجان همسة لعام ٢٠١٦
شعر عاميه
سمر علي …/ مصر
لسه فكراك …..!!!
رغم أليم الذكري
رغم الفراق
يمكن تكون نسيت حبي ليك
يمكن تكون نسيت ما بينا من ذكريات
لكن أنا مانسيت..!!
ما نسيت حبي ولا نظرة من عينيك
كنت بموت على لحظة معاك
علي لمسة من إيديك
مش بلومك.!!
ولا ب أعاتبك..!!
و لا ندمانه علي يوم في حبك
ولا على يوم قربني منك
لكن خسارة ..!!
خسارة ما فهمتنيش
منك ما قربتنيش
خسارة حبي ضاع
و قلبك لغيري حب
و لي باع ..!!
حاولت كتير أحب غيرك
وأسلم للوداع
لكن ما قدرت أنساك
ما قدرت أنساك رغم الفراق
رغم الخداع
و رغم الحب أللي ضاع
لسه فكراك ………….سمر علي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
