ط
الشعر والأدب

لكل وطنى بيحب مصر..بقلم / عماد الشاعر

عماد الشاعر

ياريت نرجع زى زمان
الحب بينا فى كل مكان
لا فى مسلم ومسيحى
ولا تعصب فى الأخوان

***************

ياريت نرجع زى زمان

***************

لازم يرجع وطنى الغالى
اقوى من الاول ياليالى
ونقول لمصر ياحلوة تعالى
داحنا فى احضانا الامان

***************

ياريت نرجع زى زمان

***************

ورد الحب ع الغصن غنا
ايام مكان فى ود بينا
ليه كل ده يبعد عنا
ونعيش كلنا فى احزان

***************

ياريت نرجع زى زمان

**************

نفسى نبقى قلب واحد
مافيش فينا حد جاحد
وربنا على قلبى شاهد
بموت فيكى ياام الحنان

****************

ياريت نرجع زى زمان

****************

على ارضها كلنا عايشين
وهنندفن فى متر طين
لا هناخد منصب ولا ملايين
ياجاهل اسال اهل الايمان

****************

ياريت نرجع زى زمان

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى