خاص بالمسابقة فئة الشعر العامي
لملمينى
بالعامية المصرية الشاعر جهاد بدر
ماكنش ينفع وسط حزنى إنى أصون
كل كدبه بألف وش و ألف لون
ماكنش ينفع بين سنينى أقدر أكون
وسط ضلمه و ألف حاله م الظنون
لملمينى دا الجراح مالهاش تمن
بعترينى وسط كدبك فى العلن
مابقاش هايفرق للى مات نوع الكفن
و لا حتى كدبك أو كلام صابه العفن
شريان بينزف وسط نار كل الشموع
صوره تضحك بين دموع كل الضلوع
فى احتواء اليأس تحلف ع الرجوع
أو تقول للقلب سلم للخضوع
إنسجينى بين شرانق مدبوحين
و إسجنينى جوا منك بالسنين
قولى إنى و صدقى مليون يمين
قولى إنك جوا منك م الحنين
ايه يداوى أى لحظه فى البعاد
أو يرجع ماضى عدى فى العناد
أو يطفى نار لياليها السهاد
أو يداعب كل شوق وسط الحداد
أى لحظه قولى كانت ف اللى فات
غير أنين الإشتياق لحظة سكات
و ايه يكون بين الليالى غير أهات
لو يموت القلب إيه بعد الممات
لملمينى
لملمينى
من جراح
مالهاش تمن
جهاد محمد بدر
جمهورية مصر العربية
01124673925
