لو كنت اخر واحد
هعمل بجسمي سد
واقف عشان احميكي
من غدر أي حد
لا هخاف من جبروت
ولا حتي علو صوت
مهما الرياح تشتد
مش هخاف م الموت
هعيش عشان سلامتك
وهرجع ابتسامتك
والموجة لو هتعلا
مش راح تنداس كرامتك
ما هفرط يوم ف عرضك
ولا شبر جوة ارضك
ولا هسمح للديابة
تدنس ارض حرمك
انا المصري الشجاع
عندي ايمان ودراع
لو حتي عملوا ثورة
مش هقبل لك ضياع
شاعر الوطن آسرفاروق طرباي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
