حمد ربيع سليمان النخيلى
(( الشهير بحماده النخيلى )) خاص بالمسابقة بمجلة همسه))
قصيدة عامية بعنوان
( لو ما عاد فى الدنيا حُب ))
يا دنيا إيه حالك يكون
لو ما عاد فى الدنيا حُب
أكيد يصيب الروح جنون
ويموت بدون الحُب قلب
……………………………
معقوله راح نقدر نعيش
ونحس إحنا ببعضنا
ونروح ندور منلاقيش
الحب فى الدنيا هِنا
…………………………….
القلب راح يصبح حجر
ولا عادش له أصلاً لزوم
والشِر راح يصبح بشر
أنسان ولابس له هدوم
………………………………….
والأُم راح ترمى الضنا
بعد المحبه عليه وخُوف
وحعيش أنا من غير هَنا
من غير محبه كتير نشوف
………………………………….
تخاريف كلامى استحملوا
أصلى كلامى يا ناس ما دَبْ
وقولولى إيه راح تعملوا
لو ما عاد فى الدنيا حُب
……………………………………
حماده النخيلى
