خاص بالمسابقة ( شعر عامى ) قصيدة : (ليله خميس بعد نزول المرتب ) (اول خميس بعد نزول المرتب ) تليفون : 01022223508
الليلادى ليله خميس واظن الجو كان بدرى
قلت لنفسى يا واد بقا هيص وروح الليه بدرى
وروح عدى على الجزار وهتلك حته من الموزة
وعدى برده على العطار اكيد تلقى هناك عوزة
وميمنعش تروح السوق تجيب للزلاد فاكهه
ما دام الجيب بقا عمران ما تحرمش الولاد فكه
ويدوب بفتح بأيدى الباب هجموا عليا ولا التتار
بابا جه بابا جه ووقفت بين العيال محتار
قالت لى ام العيال يعنى شايل الليله ومحمل
روح ادفع ايجار البيت ده صاحب البيت ممتحمل
ما طولش عليكم جيت وحطه الاكل واتعشيت
وكمان شربنا الشاى وناموا قبلنا العفاريت
ودخلنا بقا اوضه نومنا وخفينا سوا هدومنا
وهنرجع ليالى الشوق ونرمى خلفنا همومنا
ولسه بقول كده يا هادى قالتلى هاتلنا زبادى
وعايزة عباية حلوه ستان يكون لونها سمار هادى
وجهز لختك النقطة خلاص دخلتها بعد يومين
وقسط الغاز و البوتاجاز والجمعية والتموين
قولتها الليلادى ايه وخلعين لبسنا على ايه
انا قولت هنفرح الليله ماكفايه من الهموم شيلة
بوريه يا شجرة الجميز يا صبارة وماليكى عوزة
مادومتى عديمة التميز واللهى ما نام هنا الليله
وروحت انام مع الاولاد قالولى جاى ليه عندينا
وسايب اوطك الوسعة يا عم روح وهوينا
شوفتوا الواد وتربيته وقله ادبه وحديدته
ونام وسابنى انام برة وانا اللى ف حضنى ربيته
هو كل اللى اتجوزه مروا كدا بحالى
وللا انا بس ف وسطهم قطر الهموم جالى
ما بشوف بعينى الناس رايقه وضحكانه
وبيوت ماليها الهنا وحريمها رضيانه
يا رب ايه العمل … دبرنى يا ربى
اعيش بخيبه امل والزنب مش زنبى
ماتلوموش بقى على الرجال لما تميل بره
ما دام مالاقى الحلال سهل الحرام بره
لكن لوم على الحريم اللى العمه صابها
نسيت حقوق الزوج فانقل مقدارها
بقلمى : جمال احمد عبد الرحمن
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
