خاص لمسابقه همسه الأدبيه
فرع القصيده العاميه
هناء على
قصيده بعنوان
( ليه)
احزاني بتلبس توب السكات
وانا الواقف جوايا
ف برواز التلج الميت
تتحنط مشاعري فوق
جناحات الشمس
يندهلي خوفي وإنتظاري
مساحات الحلم المسجونه
ف دموع المطر
تجرحني أنياب العتمه
وأنا واقف
فوق ضلي .. فوق بسمتي .. فوق …
إتكسرت مرايات وجودي بينكم
واتشنق فيا حنيني
تلف ساقيه سنيني
وانا لسه واقف فوق السطور
كلمه ماإكتملتش
يهزني موج اللقا بينك وبينهم
وانا
ضلايه من مشاعر
ساقط ورقها ف حضن الليل
وتسألني ليه
تتكتف كفوف النار
ليه النهار
ليه يترسم ف وجودي
عصفور يندبح ف غيابه
سفينه من تراب المستحيل
وانا لسه محفور جوايا
صوتك ..احزانك
تنهيده الوقت الدايب ف انتظاري
ممنوع إختياري..تكويني
لأني
ف قبر الزمن وحيد
وانت واقف انتباه
ف مثلث تكوينك
صعب إنكسارك
صعب إختيارك
صعب أنك
