ﻣﺘﺨﺎﻓﻮﺵ
ﻳﺎﻟﻠﻰ ﺧﺎﻳﻔﻴﻦ ﻉ ﺍﻟﺒﻠﺪ ﺩﻯ ﻣﺎ ﺗﺨﺎﻓﻮﺵ
ﺩﻯ ﻓﻴﻬﺎ ﺷﻌﺐ ﻟﻤﺎ ﻳﺜﻮﺭ ﻣﺒﻴﺮﺣﻤﻮﺵ
ﻳﺘﻌﺐ ﻣﺎﺷﻰ ﻳﺴﺎﻣﺢ ﻣﺎيجراشي
ﺑﺲ ﻭﻗﺖ ﺍﻟﺠﺪ ﻋﻠﻴﻪ ﻏﻀﺐ ﻭﻻ ﺍﻋﻈﻢ ﺠﻴﻮﺵ
ﻭﻳﺎﻟﻠﻰ ﻓﺎﻛﺮ ﺍﻧﻚ ﻓﻰ ﻳﻮﻡ ﺗﻘﺪﺭ ﺗﺴﺠﻨﻪ ﺗﺒﻘﻰ ﻟﺴﻪ ﻣﺎﺗﻌﺮﻓﻬﻮﺵ
ﺍﻟﺸﻌﺐ ﻓﺎﻕ ﻭﺍﻟﻮﺵ ﺍﻟﺘﺎﻧﻰ ﺑﺎﻥ ﺑﻘﺎﻟﻮﺍ ﺯﻣﺎﻥ ﻣﺴﺘﺨﺒﻰ
ﻭﺳﺖ ﺍﻟﺒﻨﺎﺕ ﺍﻟﻠﻰ ﻋﺮﺍﻫﺎ ﺍﻟﺠﺒﺎﻥ ﻋﻠﻴﻪ ﻟﻌﻨﺔ ﺭﺑﻰ
ﻳﺎ ﻣﺼﺮ ﻛﻔﺎﻳﻪ ﺑﻜﺎ ﻭﺁﻫﺎﺕ ﺩﻣﻮﻋﻚ ﺿﻠﻴﻊ ﺑﻴﺤﺮﻕ ﻓﻰ ﻗﻠﺒﻰ
ﻭﺍﺭﺳﻤﻰ ﺑﺴﻤﺔ ﺍﻣﻞ ﻋﻠﻰ ﺷﻔﺘﻚ ﻓﻴﻜﻰ ﺍﻣﻬﺎﺕ ﻋﺮﻓﺖ ﺗﺮﺑﻰ
ﺷﺎﺏ ﻓﻰ ﺳﻦ ﺍﻟﻌﺸﺮﻳﻦ ﺑﻴﺼﺮﺥ ﻓﻰ ﻭﺵ ﺣﻜﺎﻣﻮﺍ
ﻭﺑﻨﺖ ﻓﻰ ﻣﺤﻤﺪ ﻣﺤﻤﻮﺩ ﻣﺎ ﺍﻋﺮﻓﺶ ﺍﻭﺻﻔﺎﻫﺎ ﻛﺎﻧﺖ ﻻﺑﺴﻪ ﺷﺎﻝ
ﻫﻰ ﻣﺶ ﺧﺎﻳﻔﺔ ﻣﻦ ﺍﻟﺮﺻﺎﺹ ﺩﻩ ﻷﺟﻞ ﻣﺎ ﻳﺨﻔﻒ ﺣﻤﻴﺎﻥ ﺩﺧﺎﻧﻮﺍ
ﻭﺷﻴﺦ ﺻﺎﺑﺘﺔ ﺭﺻﺎﺻﺔ غدر ﻧﺰﻝ ﻳﻘﻮﻝ ﻛﻠﻤﺔ ﺣﻖ
ﺍﺻﻞ ﺣﺎﻓﻆ ﻟﻜﺘﺎﺏ ﺍﻟﻠﻪ ﻭﺑﻴﻌﻤﻞ ﺑﻴﻪ على حق
ﻣﺶ ﺫﻯ ﺍﻟﻠﻰ ﻃﻠﻌﻮ ﻛﻼﻡ وبق
ﻭﻭﻗﺖ ﺍﻟﺠﺪ ﺑﺎﻋﻮﺍ ﻭﺧﺎﻧﻮﺍ
ﻳﺎ ﻣﺼﺮ ﻣﻦ ﺍﻟﻨﻬﺎﺭﺩﺓ ﺍﻟﻜﻠﻤﺔ ﻟﺸﻌﺒﻚ ﻭﺭﺋﻴﺴﻚ ﻫيبقى ﺧﺪﺍﻣﻮﺍ
ﺍﻟﺸﻌﺐ ﻳﺄﻣﺮ ﻭهو ينﻔﺬ ﻛﻼﻣﻮﺍ
ﻭﻟﻮ ﻣﻨﻌﺘﻮﻧﺎ ﻧﺤﻠﻢ ﻫﻨﻤﻨﻌﻜﻢ ﺗﻨﺎﻣﻮﺍ
ﻭﺍﻟﻠﻰ ﻗﺒﻠﻚ ﺣﺎﻭﻝ ﻳﻌﻤﻠﻬﺎ ﻭﺍﺩﻳﻚ ﺷﺎﻳﻒ ﺍﻟﺴﺠﻦ ﻣﻜﺎﻧﻮﺍ
ﺍﺻﻠﻪ ﺷﻌﺐ ﻟﻤﺎ ﻳﺜﻮﺭ ﻣﺎ ﺑﻴﻌﻤﻠﺶ ﻟﺤﺪ ﺧﺎﻃﺮ
ﻭﻟﻮ ﻗﺪﺍﻣﻮﺍ ﺍﻟﻒ ﺳﻮﺭ ﻫﻴﻜﺴﺮﻫﻢ
ﺩﺓ ﺣﻂ ﻉ ﺍﻟﺨﻮﻑ ﻓﻰ ﻗﻠﺒﻪ ﻣﻠﻴﻮﻥ ﻗﻔﻞ ﻭﺳﻜﺮﻫﻢ
ﻭﻟﻮ ﺣﺎﻭﻟﺖ ﺗﺮﺳﻢ ﻟﻪ ﺷﺒﺢ ﻣﻦ ﺍﻟﻔﻮﺿﻰ ﻓﻬﻮ ﻋﺎﺷﻖ ﻟﻠﻤﺨﺎﻃﺮ
ولا انخدع بالجمال ولا ضحك علية الشاطر
