قصيده بالعاميه
الاسم : مكاريوس رضا
المحافظه : المنيا
رقم التليفون : 01280849035
متستغربش لو قالوا
علي الحرامي شريف
متستحقرش لو شفت / جعان بيشحت الرغيف
اوعي تمسك ف هدوم ؛ حد مش باقي ع العيشره
افرح ف وسط الهموم ؛ وماتسمعش لناس حيشره
ولو ضحكتك قشره
ارسم ضحكه من دهب لامع
لو ودنك ملاها تراب / خلي قلبك مكانها سامع
بص علي الفقير وحاله.. وهوبيسعي لاكل العيش
ماتستغربش لو قالـوا… ان البنات هتخش الجيش
وان التمام بصباع روج ..
وان القمر الصبح نايم ..
وان الحياه زي الحوش / مليانه من انواع البهايم
واياك تجري ورا يوم .. عدي قدام عينك وفاتك
متستغربش لــو يوم .. اعز الناس سابوا حياتك
صدق كل اللي كرهوك / مـن غير ولا اي اسباب
سيب كل اللي باعوك / من غير ماتفتحهم ف عتاب ”
عيش بلسان دايما يحلو مش بلسان كلامه دبش
ولو الكلب هيقول نوو…. وايه يعني مستغربش
#مــــــتـسـتغربش
مكاريوس رضا
قصيده انا كافر
قلبي في حبك مجنون
وخد مراكز ف الجنان
انا كافر ببنات الكون
وبيكي بس عندي ايمان”
نفسي في بيت يجمعنا
ونكون انا وانتي سوا
يااجمل لفظ ف المعني
قلبي ف حبك ارتوي ”
قلبي ضعيف ولكنه اتقوي
تفكيري علي الاخر اتشد
اه .. يا اجمل بنات حوا
ماشفتش ابدا زيــك حد ”
انا مدمن بيكي ومسطول
وفي حبك عايش سكران
الناس واخده وضع خمول
وانا وحدي عشانك سهران ”
بعت نفسي ليكي بلاش
من غير جواهر و لا مال
قلبي ف حـاله ارتعاش
وحبك جـــــــــــوايا زلزال ”
انا اصـلا امك وابوكي
وابنك اللي لسه ماجاش
ولو كل الناس حبوكي
اناقلبي في حبك اتعاش ”
هو انتي ازاي كده ؟
قولي بس بلاش تصيعي
جمالك ده مش وراثه
ده اصله جـمال طـبيعي ”
عيونك عايزه دراسه
اصل كلامها كله حيره
ورجلك تمشي بحراسه
اصلك يامولاتي اميره ”
عشت في حياتي محروم
ولقيت في قلبك الحنان
انا كافر ببنات الكون
وبيكي بس عندي ايمان
مكاريوس رضا —
