خاص بالمسابقه
شيماء محمد السعيد محمد جمعه الغيطى (مصر)
الشهره شيماء الغيطى
رقم الواتس ٠١٠١٣٧٨٥٤٣٤
مجال التسابق (الشعر العامى)
ماتموت بقا
لساك تحاول تنفرج
بره الزوايا الضيقه
وتحاول ان الطلقه
تخرج من زنادك معجزه
كل الاغانى غرقانين
حتى الطريق
مبقاش يوصل للمدى
والكون برئ
من ذكرياتك كلها
الكل نام
وفضلت وحدك
تصلب الشعر اللى فيك
جوه الورق
فتقوم
تلاقى القبر حافر سكته
جوه الوريد
والرحله بره مناطق الموت البطئ
اصعب نشيد
قاصد تفرغ كل احمالك هناك
بره الموانى الطيبه
مش كنت تصبر حبتين
وتموت هناك!؟
عافر كمان
حاول تفرغ كل احمالك هناك
جوه الموانى الطيبه
وافرح بكونك مانتهيت
احيان كتير
القصه ممكن تنفلت من بين ايديك
فتحس ان النبض فيها بيلسعك
والبرد بيجمد ظروفك كلها
جوه الحدود
عارفاك عنيد
هتراود الشمس اللى رفضاك تنتظر
بره السحاب
فتوافقك ان شعاعها ينسى
ويندلع جوه الشتا
يطرح مطر
يمكن تحس الخوف من الحلم
اللى مش دايما كاوتش
وعلى قد رجليك الطويله
تمده فيك
وتحاول انه يساع حبايبك كلهم
زى البساط حلمك بسيط
حتى المحاوله الطيبه
لجلن ماتفلت رجلك المهزوزه
من قلب الورق
وتعدى قوس السفسطه
كات شيئ بسيط
حتى اتهامهم ليك
بانك اولى
وان انتمائك للفضا
وان الثوابت كلها
بتوحى بانك
شيئ غريب
منتاش غريب
ولا يوم حاولت انك تدوق
غير الالم
كل المحاولات اللى ماتت ف المخاض
كات بس لجلن تنفجر
بره اللغم
وتحاول انك
تخلق الدنيا
اللى حلمك مقاسها
فتحط نقطه
فوق حروفك
انت بس
سايب عينيهم تخنقك
وتشب فوقك من سكاات
رفضاك تحس بشيئ حقيقى فالنهايه
وتريح الكتف اللى قطماه السنين
بره الزمن
وتزيح همومك كلها
على حد تانى يحس بيك
من غير ما تنصب سيرك
من جثث الكلام
وتحاول انك تقنعه بالمستحيل
انسى الالم
واجرح عينيهم بالسكات
وانصب ضلوعك شرنقه
تفصل غناك
عن اللى يتمناك تموت
من غير غنا
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
