مات الكلام ما بقاش خلاص فيه شيء يفيد مات الكلام حتى العتاب طعم الغياب ما بقاش جديد كل الحالات عاشقة السكات وعيون بتحلم بالبعيد تبعت خطاوي الشوق سلام على سطر صفحتها الوحيد يطرح على جبين الحنين فدادين لقا ساكنة الوريد مات الكلام والنبض تاه جوه الحياة والاه بتخطف من عينيه نور الصباح والعمر راح جوه صالات الانتظار مرهون بتأشيرة سماح تفرد جناح الحلم فوق شط الخجل من غير دجل يطلع براح مات الكلام ولسان حكاوي الشوق خرس لما ابتديتي تلبسي توب الغياب وتبعتريني فوق خدود الامنيات ضحكة يتيم عاشقة السراب واقف على سنين الضنا مواويل غنا مقفول عليها الف باب وان كان اوان الافتراق بيننا ابتدا ما تعاتبينيش لو قولتلك امرك مُجاب
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
