ليه نبكى على الشهداء
وهما ع الجنه رايحين
دانا ببكى على الوباء
اللى عايشين بينا ضايعين
**************
افكار مسمومه بسم جبان
قاتل زهورنا من غير مايدره
وخلق بين الاخوات عدوان
مش هننسه ده على فكره
راح تعيش فى زكرياتنا
وانتم فى ايديكم دم ولادنا
ياريت تعوده تانى لحياتنا
وكفايه ارهاب واهانه لدين
***************
ليه نبكى على الشهداء
وهما ع الجنه رايحين
***************
مافيش ديب بيقتل ديب
ولا اسد بيقتل اسد
واحنا بشر بفكر غريب
ولا اللى بيحصل ده حسد
بقى الحيوان افضل منا
عايز اعرف ايه اللى جرلنا
يارب انفخ فينا وغيرنا
العالم كله اصبح حزين
**************
ليه نبكى على الشهداء
وهما ع الجنه رايحين
**************
يلعن ابوه ام الفلوس
اللى بتعمل فينا كده
غيرت كتير من النفوس
وبقينا قاتله بشكل ده
يارب ارحم وخد بيدينا
ولا تشمت العدو فينا
الدمع بينام فى عينينا
من حبة ناس مسعورين
**************
ليه نبكى على الشهداء
وهما ع الجنه رايحين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
