“”ما بنتهددش””للشاعر محمود وحيد
ملعون أبو شيطانكم
يا مفخخين بالعار
الله برئ منكــــــــم
بينا وبينكم تــــار
***************
على جثة الملايين
ما تطولوا منها قيراط
ابدا ما تحنى جبين
ولا تنخدع ب……..
**************
شعب الكنانة أســـــود
وبلادنـــــــا ولاًدة
يعنى الطريق مسدود
كفاياكوا بزيــــادة
***************
بانت نواياكـــــــــــم
واتكًشف المستــور
لو مين بقى معاكــم
هيموت ما يلقى قبور
***************
طول عمركم أوباش
والخسة دى توبكــــم
والدم ما بيسواش
لو ضد أفكاركــــــــم
***************
كم طفل يتمتــــــوه
وكسرتوا قلب أمه
والأب شيبتــــــــوه
لما قتلتوا إبنــــه
**************
الله وكيل فى سماه
لو الف مليون جيش
ناكله بعــــون الله
بايدينا والبراطيش
***************
يا روح ما بعدك روح
لبلدنا واهبينهــــــــا
ويا البلد هنــــــروح
ولا يتقفل بابهـــــــا
ـــــــــــــــــــــــــ
تقديم/مختارالراوي
