خاص بالمسابقه قصيده عاميه ماتحاوليش
سيد منيرعطيه/ الزقازيق/الشرقيه/مصر
ما تحاوليش
**********
اليوم دا لازم أعيش
إنتِ النبض وإنتِ القوه
والإحساس من بره وجوه
إنت العين لما بتضحك لي
إنتِ لعمرى هوى يفرحنى
رسمتك جوه عقلى كيان
مرسوه فوق الجدران
إنتِ بدايتى وإنتِ نهايتى
وإنتِ للحياه عنوان
ما تحاوليش
اليوم دا لازم أعيش
بالإخلاص بالإحساس
الصعب معاكِ مالهوش أساس
إيدى ف إيدك نتحدى أيامنا الجايه
نتمسك بأيامنا الحلوه
نملاها حب وحنيه
تعالى نحطم كل الصعب
بقلوبنا وبكل الحب
تعالى نعيش أجمل إحساس
والصدق فى قلوبنا أساس
أنا مش حدى قلبى لغيرك
قلبى داق من نبض عبيرك
ولغيرك عمره ما ينداس
أنا حبيت وبكل جوارحى
يعلم ربى بهمسى ونبضى
ملكتى وريدى وكل مشاعرى
عيشى وسط النبض وقلبى
حضنك دا شهاده ميلاد
لمسك غايتى وكل مرادى
قلبك نبضى
حبك روحى
دابت قربك كل جروحى
مش راح أفارقك تانى يا عمرى
يا أجمل حب قابلته ف عمرى
أضحى بروحى وقلبى فداكِ
كله يهون علشانك إنتِ
حتى السما تنشرلى عبيرها
لما الليل بيناجى عيونها
قلبى بيتعذب من غيرها
يستنى مرور السحاب يناديكِ
حضنك دوب كل أهاتى
صمتك عشق وكل سكاتى
نفسى أحطم كل قيودك
صمتك بيا يعدى حدودك
أبحر فى عيونك لشط الكلام
نبضى ينادى أسير الغرام
يا ما نفسى أجيلك أضمك لحضنى
أنسى معاكِ عذاب السنين
وف حضنك تزول الألام
مهما بعدتى دايما قريبه
جوايا حبك ونبضك دليل
خليكِ جنبى يا أجمل خيال
نرسم حياتنا يزول المحال
أمسح بإيدك كل الدموع
إصرار فى قلبى ما فيش رجوع
تعالى يا عمرى يا أجمل سنينى
نعيش حياتنا من غير أنين
بين الشموع يدوب الظلام
ويبقى لى حبك كل الأمال
هوه طريقى وشط النجاه
ما تحاوليش
بقلم / سيد منيرعطيه
