ربنـــا له حكمــه دايمـا
وهيه حكمه ب كل لون
ناعمــه وعنيـده وقويـه
سحر دافي وليل حنون
ف البراءة طفلـــه جدا
بس بحــر من الجـنون
.
لو شايلهــا ف نن عينـك
تبقى ليك …. كل العيون
لو جبال …. بينها وبينك
هيه عارفـه إزاي تصون
وان حابسها ف ألف قمقم
عادي لو عايزه … تخون
.
إوعى مره تشوفها .. جسم
مهما كنت ف يوم .. هوائي
إوعى تعمل فيها راجل
واحذر الفكر النسائي
أو تقول إنك : فاهمها
واني واد خبره بذكائي
إنت بالنسبالها لسه
طفل مادخلش ابتدائي
.
هيـه آه …. أنثى و ضعيفه
جوه عين .. ابو عقل غاب
هيه آه …… لابسه البلوزه
ولا مستوره ….ف حجاب
بس راجل …. وقت عوزه
يتعملـو ….. 100حســاب
.
هيه أمك …… هيه بنتك
هيه أحلامك … و زينتك
هيه وقت الحزن حضنك
هيه وقت الراحـه خيمتك
هيه رحمـــه وضلع منك
هيه ……. ربانة سفينتك
.
هيه عايشه فيك .. ولكن
عايشه بيك
هيه مهما انت احتويتهـا
تحتويك
هيه غزلــت من حياتهـا
عزوه ليـك
.
ياما .. عملت .. م البسيط
حد له شهره ….. وصيت
ياما ست …. بألف راجـل
مهما كانت ….. ست بيت
.
هيه دمعه ف عين بتفرح
هيه ضحكة ف كوم همـوم
هيه ورده منين ما تطرح
بس شــــوك وقـت اللــزوم
حد ما تملـوش نهائي
بس أحيانا …… ممل
هيه أبسـط م البساطـه
بس لغز مالوهش حل
.
هيه م الآخر دي ( نحله )
صعب جدا ….. تتمسك
وانت زي ما هتعـاملهـا
يا تعاديك ….. ياتونسك
فا ب إيديك تاخد عسلها
أو ف قلبـك … تقرصك
.
.
.
