** متسلمشي **
كلمات علي حسينو
متسلمشي لضعفك يوم والخير لسه فيك وبنفسك
متصدقشي كلام بيقول في حدّ يضحي ويحسك
قوة قلبك فيك وبصفك امشي وجرب عزم بكفك
جاهد حارب نقطة ضعفك وخلي إرادتك تغلب يأسك
..
حطم صخر الخوف بإيدك مضعيّش العمر عليك
يوم ورا يوم ح تنول أمانيك وح تنسى بحور الحرمان
تتبدل أحوال مأساتك من إسود لأبيض ف حياتك
يتبدّد خوفك جواتك وأملك زي النور ح يبان
..
يوم ماتطول الشمس وتكبر حْس بغيرك ولا تتكبر
خليك طيب قد ما تقدر دافي الجوهر والاحساس
حس بغيرك وبأحزانه حُط مكانك زي مكانه
قد ما فيك ضحي علشانه ده المكسب بقلوب الناس
انتهت
المشاركة : نص شعر عامّي
01141773553هاتف [email protected]
القاهرة .. مدينة 6اكتوبر
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
