طول عمرنا
بيضمنا حُضن الوطن
وف قلبنا
من صغرنا صورة العلم
رغم الصعاب والإغتراب
رغم المحن
نور شمسنا
بيقول لنا انسوا الألم
بكره النهار راح يتولد
من صبركم
والضلمه وسنين العذاب
هتغور بعيد عن أرضكم
ويعود لنا
ويعود لكم
حق الشهيد واللى انظلم
طول عمرنا
متشعبطين
ف الصبر وخيوط الأمل
وف كل صبح بيتولد
فوق أرضنا مليون بطل
صوتهم بيهتف حقنا
يسعد عيونا – وقلبنا
أجمل الوطن
ونشوف على جبين الزمان
صورة العلم
وبيكتبوا بدمهم قبل القلم
يا ايها الشعب العزيز المنتصر
اوعى ف يوم صبرك يلين
أو تنكسر
كل الأمانى مُمكنة
طول ما القلوب مطمنة
ومعانا قدرة ربنا
وتاريخ كفاحنا المحترم
*****************
رضا أبو الغيط
