متندميش. مسابقة الشعر العامى بقلم / إسلام عاشور سيد من مصر

#متندميش
المشهد اللى دار بنا
ايوه جرحك ساب فيا لكنى رغم الوجع راجل
ومتندميش
على عشمك ليا بالجنه وقولت ان الجمال ده نعيم
طلع المشهد متكرر وقولت ان جمالك زيف
يمكن فى الاول كان حاله دلوقتى مافيش
وهتيلى الصوره المكسوره
محصوره
بين قلبى وقلبك خليها افيش
وعديلى المشهد من الاول
كان قلبى وقلبك زى ملاك نقصين جنحين
بعديها يطير
هديدتى الحلم اللى مابنا
انا فاكر رايح للجنه اتريكى النار
كنت فاكرك حريا طلعتى حصار
سبتيلى الصوره فى البرواز ويريتو سليم
برواز مكسور
سبتيلى كام حلم وذكرى
ورساله وكام صوره عشقها
سبتيلى انا حاجه من الاوجاع
كان قلبى سليم
وانا مالك نفسى من الاسوا
كان قلبى عيشها بنظره
وبتصبر بنظره عين
بحاول اعيش على الذكرى
وبخبى وجعى جوايا
مش عيب الراجل لو عيط
لومره بكيت عديها معلش
اهى غلطه عادى بتكرر
ايامنا اهى عديد على الفاضى
لوندمك هو سر سعاتك
انا اعيش ليكى طول عمرى حزين
لو بضحك قدامك يعنى
فا انا من جوا مجروح وقتيل
وبتكرار بقايت با لاسوا بستمتع
واعيد المشهد من تانى
مليتى انا حلمى بالحسره
فاساب الحلم على حدك
وقلبى الى فى يوم غلبان
بطل خوف على يدك
وفاكر ان الجميله تصون
وعشت ساعتها انا فى الدور
فطلع ان اختيارى شمال
وخرجتى ساعتها من الصوره
مافيش مشهد تانى هيتعاد
خلاص عشم الرجوع مقفول
بنيت بينى وبينك سد
عملتى كل مافنفسك لحد كرمتى
حطى الحد يغور الحب
لو مره يغير فى الانسان الشكل
وكام كسره بقأت اوجاع
وكام من كلمه موجوعه
وكام من صوره مخدوعه
شالت اوهام
سابت احلمنا فوق الرف
وفضلت باصه من الشباك
فرد الباب وقفل كل الطرق ليها
شطان عايش بوش ملاك وبدعى الرب يهديها
مافيش بردو فى مكانك حد
عنيكى لسه راسمها صوره جميله فى خيالى
وبرغم كل افعالك بحبك من طرف تانى
ولسه شيلك الذكرى
بحرف وكلمتين منك
لسه سامعهم وبتكرار
قادر ربنا يجمعنه
فاعشمتينى وبعشمى بقايت غلبان
عشان قلبى ده كان طيب
فاقبل الحب بس بشرط
وشاف منك وقال طيب
وكسرة قلبى كان عادى
وايه املك انا غير الصبر
فامتندميش
#اسلام_عاشور