محبوسه جوايه ..... شعر / محمد الجوجرى ....جمهورية مصر العربية.....موبايل 01283478104 ........ خاص بمسابقة مهرجان همسه ... 2017 ...(شعر العامية).... ـــــــــــــــــــــــــــــــــــــــــــــــــــــــــــــــــــــــــ مكتومه أنفاسى وباخبى إحساسى وشاربه من كاسى طول عمرى مظلومه ومن العطف محرومه أدارى بضحكتى همى وبسمتى جواها ألمى اكتم فى نفسى واتألم مش قادره أبوح وأتكلم محبوسه أنا جوايه النار مشعلله وقايده وبحاول مفيش فايده أضغط على روحى وأحبس كمان نوحى طول عمرى وحيده وانا فى وسط الناس أفكارى دايماً شريده ومشتته الإحساس واللى يشوف رسمى أويسمع كمان إسمى يقول سعيده فى عشها مش باين على وشها أشكى لمين واحكى وأطَلع اللى جوايه أنا هاين عليه ابكى من همى رفعت الرايه وسلمت أمرى لربى وبعتله كمان شكوايه قلبى يبس من الجفا والخضره نشفت فيه ورغم صدق الوفا والحب اللى ماليه البسمه بهتت وماتت والضحكه ضلت وتاهت والأمل راح بريقه واليأس ثبت طريقه والعتمه فرشت خيوطها والضلمه نشرت شطوطها وحالى أصبح عدم وماعاد طريق للندم وسِكتى بقت مسدوده وخطوتى بقت محدوده مش قادره أتصرف ولا عايزه حد يتعرف على همومى ووحدتى ولايشوف كمان محنتى صعبانه عليه نفسى بين حزنى وبين يأسى السكه تاهت منى وشطى بعد عنى وشراع مركبى إتقطع وما عاد قلعها ينفع مش هاقول مين السبب ومن مين كان الغضب ماليش غيرربنا منجد على كسرتى يشهد رفعاله راسى وداعيه وباشكيله وانا واعيه يزيح عنى محنتى ويعيد ليه بسمتى
