[highlight] وانت واقف أُدام مرايتك
كل يوم
وانت بتسرح ف شعرك
ولا بتساوى الهدوم
ولا بترتب مشاعرك
ولا بتدارى الهموم
إفتكر إنك وحيد
رغم ناسك
إفتكر إن الهموم
عرفت مقاسك
وانها حالفه تدوم
وانت واقف أُدام مرايتك
كل يوم
بُص لنفسك بجد
إنت أيه ؟
إوعى تتعلق بحد
ما تلاقيه
خوضت مليون تجربه
وفى النهايه
كِسبت أيه ؟
وانت واقف أُدام مرايتك
كل يوم
وإنت بتحلق فى دأنك
ولا وبتغسل سنانك
قوللى أيه راح يبقى شكلك
وإنت واقف وف مكانك
ما المرايه حافظه شكلك
كل يوم واقفه عشانك
وانت واقف أُدام مرايتك
كل يوم
قول لها وبدون مجامله
إنتى شايفانى برئ
ولا منى لسه شايله
لما ضليت الطريق
كلمينى ما إنتى نفسى
إنتى قشاية الغريق
وانت واقف أُدام مرايتك
كل يوم
إضحك لها خبًى عليها
بيًين لها إنك سعيد
أيه ذنبها تنكِد عليها
وإعتبر إنك وحيد
وإن حِزنت إديها ضهرك
وإبتسم خليك عنيد
وإنت
واقف
أُدام
مرايتك
كل
يوم.
كلمات \ أحمد شاهين [/highlight]
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
