الحلقة الاولى مسلسل الصفقة
المشهد الاول
ليل \ داخلى \ منزل سعيد انفاس
سعيد انفاس جالس فى صالة منزله على قاعدة عربى امامه طبلية عليها عشاء كباب وحمام وفى يده الشيشة وامامه عزيزة زوجته ترقص على اغنية يا ليل يا باشا لاحمد عدوية
تنتهى الاغنية وتجلس عزيزة بجانبه
سعيد انفاس
عزيزة
سعيد انفاس
عزيزة
سعيد انفاس
انا انهارده مبشتق واخر تئتئة وبعون الله هنعلى الدماغ وهبرعش وابقى اخر طعطعة
وانا فى ديك الساعة لما مزاجك يبقى عال العال الا قلى يا سى سعيد
ايه اللى جد انهارده بقالك كتير سرحان ومهموم
انتى زعلانة ان ربنا فكها عليا
يقطعنى ياخويا مقصدش والله
ولا تقصدى
هقولك يا بت
قطع…
سعيد انفاس
عزيزة
سعيد انفاس
عزيزة
سعيد انفاس
عزيزة انا انهارده سعيد انفاس بقى المعلم سعيد وبقى فى السوق شغال لنفسه
مش تبع حد او لحد
يا الف نهار مبروك ياخويا
يا الف ليلة بيضا
ومن بكره هفتح مغلق خشب عشان يبقى دروة ليا وبالمرة ابقى صاحب ملك
ربنا كريم يا بت وهيرزقنى برزقك ورزقنى ابنى اللى جاى
انا هسميه شاهين على اسم الحاج الله يرحمه
طب لو بت
لو بت طبعا هتبقى عزيزة زوزة على اسمك يا موزة
ربنا يخليك ليا يا حبيبى يا جوزى يا رجلى
قطع…
المشهد الثانى
نهار \ داخلى \ فيلا الحاج عبد الصبور غنام
يدخل الحاج عبد الصبور الى ريسبشن الفيلا يجد الحاجة زينب جالسة على الانتريه عبد الصبور
زينب
عبد الصبور
زينب
عبد الصبور
زينب ازيك يا حاجة
ازيك يا حاج
امال فين الولاد
احمد عازم هبة على العشاء بره
وخالد فى العيادة ويوسف راح لصاحبه لسه مجاش وامل نايمة جوا وابراهيم فى الجامع
رغم التعب اللى بشوفو ليلاتى بين المصنع والوكالة الا انى لما برجع البيت واشوفكو واقعد معاكو كل التعب اللى كان جوايا بيروح
واحنا كمان يا حاج احلى حاجة فى يومنا الشوية اللى بتعدهم معانا
ربنا يخليك لينا يا رب ويفضل حسك معانا فى الدنيا
المشهد الثالث
ليل \ خارجى \ قهوة ليالى الحسين
ياتى يوسف من بعيد الى القهوة ويجلس بجانب سعيد سعيد انفاس
يوسف
سعيد انفاس
يوسف
يوسف
سعيد انفاس
يوسف
سعيد انفاس
يوسف
سعيد انفاس
يوسف
ازيك يا يوسف
اتفضل اقعد
واحشنى يا سيعة
لو واحشك بصحيح كنت حتى تضربلى تليفون تسئل على اخوك سعيد انفاس نسيت العيش والملح
معلش انا عارف انى مقصر
قلى ابلا تشرب ايه
اى حاجة
2 شاى ياض يا خيشة
بقولك ايه بكره هتيجى مفيش اعذار
ليه خير بكره فيه ايه
بكره افتتاح المغلق بتاعى
حاضر هاجى الف مبروك
قطع…
المشهد الرابع
ليل \ داخلى \ حديقة فيلا نادين
حسين و نادين جالسين فى حديقة فيلا نادين بجوار حمام السباحة حسين
نادين
حسين
نادين
حسين
نادين
حسين
نادين
حسين
نادين
حسين
طمنينى يا نادين ايه الاخبار
مجاش انهارده
ليه
بيفسح خطيبته يا سيدى
وشكله كده مش هيجى تانى
ليه يا نانا
معرفش حاسة كده
واحنا كده معانا كام سى دى
معانا ثلاثة
مش كفاية ده عجب مستر بولو جدا وعايز شغل كتير له انا بقول ان احنا نقوله الحقيقة
هيرفض طبعا
نهدده اننا هنفضحه قدام اهله
باى طريقة يا نانا الولد ده لازم يشتغل معانا
قطع…
نادين
حسين
نادين
حسين
نادين
حسين انا هعزمه هنا بكره بحجة انه عيد ميلادى وانت اتصرف
فكرة مش بطالة
بس انا مش متخيلة رد فعله هيكون ايه لما يعرف
يعنى هيكون ايه اكيد هيكون خايف ليتفضح قدام ابوه وامه ومذهول ازاى ده حصل وازاى صورناه
ده غير انه داخل على جواز ومصاريف كتير فلما لاقى قدامه ثلاثين الف جنيه هدية جوازه مش هيقول للشغل لا
هايل يا حسين
امال يا نانا انا مسمحش لحد انه يخرب شغلى
المشهد الخامس
ليل \ خارجى \ مطعم على النيل
احمد وهبة جالسان فى مطعم على النيل وامامهم على الطربيزة عشاء احمد
هبة
احمد
هبة
احمد
هبة
احمد
هبة
مش مصدق يا حبيبتى ان فرحنا بعد اسبوع وخلاص هيجمعنا بيت واحد
انا كمان هطير من الفرحة مع ان الشقة مش قد كده والعفش زوقه بلدى
احمدى ربنا يا حبيبتى
ما ده اللى انت شاطر فيه احمدى ربنا يا حبيبتى مع انى رفضت عشان خاطرك كل العرسان اللى اتقدمولى
يا حبيبتى هما دول عرسان
ده واحد حانوتى والتانى جزار
بس على قلبهم الفلوس قد كده الاولانى كان هيسكنى فى عمارة ملك والتانى كان هيسكنى فى فيلا
يا حبيبتى هى دى مقدرتى وبعدين انا لما والدى يموت هورث مش اقل من مليون جنيه
مليون جنيه بس كمان لما ابوك يموت ربنا يدينا طولة العمر
قطع…
احمد
هبة
احمد ميصحش تقولى كده يا هبة ده برده ابويا
يا خويا يعنى هو عزراييل مستنيلى على الكلمة
اصبرى يا حبيبتى وانا اوعدك الجاى احلى ان شاء الله
المشهد السادس
ليل \ خارجى \ عيادة الدكتور خالد
الدكتور خالد يعمل عملية اجهاض لمريضة ثم تدخل والدتها
تلطم الام على وجها الدكتور خالد
عم مغاورى
الدكتور خالد
عم مغاورى
الدكتور خالد
يا حاجة كريمة
بنتك حصلها نزيف ارجوكى يا حاجة على اقرب مستشفى ومتجيبوش سيرتى
مش ناوى يابنى تتوب عن العمليات
الوحشة دى
اتوب واعيش منين يا عم مغاورى
حيث كده يبقى ايدك على حتة بمية
وانت مش ناوى تتوب عن اخد الفلوس منى
المشهد السابع
ليل \ خارجى \ كباريه المالكى
سعيد انفاس واقف بجانب المطرب الشعبى فى الكباريه
ينقط سعيد انفاس
المطرب
سعيد انفاس
المطرب
سعيد انفاس
المطرب
سعيد انفاس
المطرب
سعيد انفاس
المطرب
سعيد انفاس
المطرب
سعيد انفاس انا
انا
سعيد باشا
سعيد باشا
تجار الخشب
تجار الخشب
ولاد الحسين والسيدة زينب
ولاد الحسين والسيدة زينب
يوسف غنام صاحبى وحبيبى
يوسف غنام صاحبى و حبيبى
يعنى كلية الحقوق وبتوع القانون
يعنى كلية الحقوق وبتوع القانون
وسلام كبير قوى
قطع..
ينقط سعيد انفاس ثم يعود ويجلس على طربيزته بجانب يوسف غنام يوسف
سعيد انفاس
يوسف
سعيد انفاس
يوسف
سعيد انفاس
يوسف
سعيد انفاس
فاكر يا سعيد ايام المدرسة
طبعا فاكر وهى الايام السودا بتتنسى
دى كانت اجمل ايام
لما كنت بتغش منى فى الامتحانات
ولا المدرسة اللى انت كنت بتعاكسها
يا جدع افتكر لنا حاجة عدلة دى كانت قفل قوى
مذاكرة وامتحانات وتعليم واخرها ايه محامى تحت التمرين مرتبه متين جنيه ميجبش عيش حاف
منا قولتلك مية مرة تعالى اشتغل معايا
ابويا لو عرف هيبهدلنى انا مفهمه انى قطعت علاقتى بيك
عشان بيفكر بالعقلية القديمة
الحلال والحرام
كل الكلام ده كان زمان قبل الكوسة والقرع والتنهيب والتقليب
قطع…
سعيد انفاس
يوسف
سعيد انفاس
يوسف
سعيد انفاس احنا فى زمن هات الجنيه باى طريقة حلال حرام المهم تجيبه
يا سلام
امال تموت من الجوع
نموت من الشحاته نموت من الجوع نموت من الفقر كله فى الاخر موت
لا انا مش طالبة معايا نكد خالص انهارده
قطع…
المشهد الثامن
ليل \ خارجى \ فيلا الحاج عبد الصبور
الحاج عبد الصبور وزوجته زينب واولاده خالد وامل على السفرة يتناولون العشاء
صوت جرس الباب
يدخل عليهم احمد
يرن جرس الباب تفتح رتيبة ويدخل عليهم احمد
عبد الصبور
امل
عبد الصبور
خالد
عبد الصبور
احمد
عبد الصبور
احمد
عبد الصبور
احمد
انتو عارفين ان لمتنا مع بعض دى يا ولاد تساوى كتير قوى
طبعا يا حاج وجودك معانا انت وماما بالدنيا كلها
ربنا يحفظك يا بنتى
انت الخير والبركة بتاعتنا يا حاج
شكرا يا دكتور
الجرس بيرن يبقى اكيد الباش مهندس احمد
افتحى الباب يا بت يا رتيبة
ازيكم وحشتونى قوى يا جماعة
ازيك ياباش مهندس احمد ولا اقولك ازيك يا عريس
اللى تشوفه يا حاج
ما تقعد تاكل معانا يا احمد
معلش مش هقدر يا ماما
يا دوب انام
قطع…
يتركهم احمد ويدخل غرفته عبد الصبور
زينب
احمد
زينب
احمد
زينب
احمد
عبد الصبور
مالك يا بنى ايه الا مضايقك
عكننت عليك تانى
مفيش حاجة يا ماما
انا داخل انام يا جماعة
بشوقك يا بنى تصبح على خير
امال فين يوسف وابراهيم مشوفتوهمش
ما انت عارف يوسف لما بيبقى سهران مع اصحابه مبيجيش غير وش الصبح وابراهيم فى الجامع
تصبحو على خير يا جماعة
وانت من اهله يا بنى
المشهد التاسع
ليل \ داخلى \ غرفة احمد فيلا عبد الصبور غنام
احمد فى غرفته يغير ثيابه يرن هاتفه يمسك احمد الهاتف ويرد
ينهى احمد المكالمة ويلقى بالهاتف الى السرير احمد
الو
ازيك يا نانا
لا طبعا مقدرش استغنى
بكره عيد ميلادك
كل سنة وانتى طيبة
ان شاء الله جاى
دى عايزة منى ايه تانى دى
قطع…
المشهد العاشر
نهار \ خارجى \ سور الجامعة
اتنين بلطجية يحيطون بامل بجوار سور الجامعة الخارجى بالسلاح الابيض بغرض السرقة تمر بالصدفة عربية بوكس شرطة بلطجى 1
امل
بلطجى 2
بلطجى 1
الظابط امير
بلطجى 1
الظابط امير
بلطجى 1
الظابط امير
امل
الظابط امير
اطلعى باللى فى جيبك يا حلوة
حاضر بس ارجوك ابعد المطوة دى
انتى لسه هتطلعى من الشنطة
هاتى الشنطة كلها
اقف عندك ياض انت وهو
حاضر ياباشا
هات يالا الشنطة دى
اتفضل ياباشا
خدهم يا سيد ركبهم البوكس
اتفضلى يا انسة
انا متشكرة جدا
معلش اتفضلى معايا فى القسم
خمس دقايق بس
علشان نقفل المحضر و العيال دول يخدو جزائهم
قطع…
المشهد الحادى عشر
ليل \ خارجى \ عيادة الدكتور خالد
الدكتور خالد جالس بجوار عم مغاورى على مصطبة المرضى الدكتور خالد
عم مغاورى
الدكتور خالد
عم مغاورى
الدكتور خالد
عم مغاورى
الدكتور خالد
عم مغاورى ايه
ايه يا دكتور
مفيش ولا زبونة يا بومة يا فقرى
وانا مالى يا استاذ خالد
مالك ايه وزفت ايه ده مالى انا العيادة بقت بتنش لو دخلتلى زبونة فى الاسبوع يبقى ربنا كرمنا
مهو من العمليات الوحشة اللى انت بتعملها للستات هى دى اللى واقفة حالك
مهو نبرك ده هو اللى واقف حالى مش العمليات يا راجل يا نبار
قوم اعملى قهوة قبل ما امشى وارتاح من وشك اهو تحلل مهيتتك
قطع…
المشهد الثانى عشر
ليل \ خارجى \ حديقة فيلا نادين
احمد واقف مع نادين فى حديقة فيلتها ويعطيها هدية
ياتى حسين من بعيد ويقف بجوار احمد احمد
نادين
احمد
نادين
احمد
نادين
حسين
احمد
نادين
حسين
احمد
حسين
كل سنة وانتى طيبة مع انى عارف انه مش عيد ميلادك اصلا
طب كويس قصرت عليا السكة
هو فعلا مش عيد ميلادى
امال عشان ايه عشان وحشتيك
ولا عشان وحشتينى عشان شغل
شغل ايه
هتعرف دلوقتى
ازيك يا استاذ احمد
مين ده يا نانا
ده استاذ حسين صاحب الشغل
ازيك يا باش مهندس احمد
الحمد لله
هى ايه طبيعة الشغل
لما نقعد هتعرف كل حاجة
قطع…
يتوجهو جميعا الى طربيزة بجوار حمام السباحة ويجلسو عليها احمد
حسين
احمد
حسين
احمد
حسين
نانا
احمد
نانا
احمد
حسين
احمد ادينا قعدنا انا هشتغل ايه بالظبط يا استاذ حسين
الاول تاخد هدية جوازك
ايه دول
دول ثلاثين الف جنيه هدية جوازك
معقول ثلاثين الف عشانى انا مش مهندس بترول يا استاذ حسين انا مهندس ديكور
نانا قوليله هيشتغل ايه
انت تعرف الافلام اللى بيسموها الافلام الثقافية
ايوة
هى دى هتبقى شغلك
مش فاهم
يعنى انتو هتنامو مع بعض وانا هصوركو على سيديهات وهتتباع فى امريكا زى اى فيلم سينما
ايه القرف ده طبعا مش هشتغل
قطع….
احمد
حسين
احمد
حسين
احمد
حسين
نانا
احمد
انا استحالة اقبل بالشغل ده
افتحى الاب توب يا نانا وفرجى البيه
ايه ده انتى كنتى بتصورينا واحنا
انت اشتغلت خلاص والسيديهات بتاعتك محققة اعلى نسبة مبيعات
بس كفاية مش عايز اسمع حاجة تانى
انا بس هقولك حاجة واحدة صغيرة
انا اقدر زى ما السيديهات دى حققت اعلى نسبة فى امريكا اخليها تحقق اعلى نسبة مبيعات فى العتبة والوايلى و الحسين وبالتحديد بيت الحاج عبد الصبور
كفاية كفاية
انا مش عارفة انت ليه باصصلها من الجنب الوحش احنا بنقدم خدمة
للناس بنعلمهم ازاى يعرفو يحبو بعض
اللى زيكو ميعرفوش ايه هو الحب
قطع…
ينصرف احمد ويخرج بره الفيلا الكاميرا متوجهة على نادين و حسين نادين
حسين
نادين
حسين ده مشى يا حسين ومخدش الفلوس
هيرجع تانى لما يحسبها كويس هيرجع و فى اقل من اسبوع هيخاف من الفضايح والجرس
والناس تتلم وتتفرج
فكرك كده
طبعا
المشهد الثالث عشر
ليل \ خارجى \ فيلا عبد الصبور غنام
يدخل خالد يجد والدتها اتية من بعيد ويقفان بجوار الباب زينب
خالد
زينب
خالد
زينب
خالد
زينب
خالد
زينب
ازيك يا ابنى اخلى رتيبة تحضر لك العشاء
يريت يا ست الكل اصل انا واقع
بس خير يا ابنى ايه اللى جابك بدرى انهارده
مفيش عيانين خالص يا ست الكل
انا قاعد بشم صوابع رجلى فى العيادة
للدرجة دى يا بنى هو الستات بطلت تولد ولا ايه يا ابنى
لا يا ماما مبطلوش بس تقدرى تقولى ان ابنك جاب غراب البين ووش البومة وشغله عنده
قصدك على مين يا بنى
على عم مغاورى
عيب كده يا ابنى انا مربيتكش على كده
قطع…
المشهد الرابع عشر
ليل \ داخلى \ منزل سعيد انفاس
سعيد انفاس يدخل حجرة الانفاس ومعه يوسف غنام
ويجلسان ارضا فى القعدة العربى بجوار الشيشة سعيد انفاس
يوسف
سعيد انفاس
يوسف
سعيد انفاس
يوسف
سعيد انفاس
يوسف
سعيد انفاس
خش يا يوسف انت مش غريب
وبعدين الجماعة مش هنا دى عند امها
باختصار ومن غير لف ولا دوران انت حالتك كده مش عاجبانى
ولا عجبانى
انت لازم تتنجر وتبقى بيه والوظيفة عمرها ما هتخليك بيه
يعنى قصدك ايه يا سعيد
اول هام مسميش سعيد بس اسمى سعيد بيه تانى هام انت هتشتغل معايا وهتقبض مهية متحلمش بيها فى شغل مكاتب المحاماة عشر سنين
اشتغل فى المخدرات
وملها المخدرات
طب وابويا
مش هيعرف ولما يسئلك ذهذهت عليك كده ليه ابقى قله جتلى قضية
قطع….
سعيد انفاس
يوسف
سعيد انفاس
يوسف
سعيد انفاس
يوسف مش محتاجة تفكير دماغك اللى متعبية بالقانون دى تلزمنى هتظبطلى شغلى وهعلمك شغلانتنا دى واحدة واحدة حبة حبة بس عايزك تنفجلى وتفتحلى الانانى
خود
اى دول
اول ماهية ليك يا سمسار المزاج
معلش يا سعيد مش هقدر اشتغل معاك انا برضه محامى يا جدع حتى لو كنت مش لاقى انا محامى وراضى بالمتين جنيه المرتب و خمسمية جنيه شهرية ابويا
انا هتعبر نفسى مسمعتش الجملة الاخيرة وهسيبك براحتك يا صاحبى
وزى ما عرضت عليك البواكى والعز والفخفخة مش هزعل منك يا صاحبى لما تهزقنى فى بيتى شرفت يا صاحبى سلام
سلام يا سعيد
قطع
سعيد يحدث نفسه سعيد انفاس واللى خلق الخلق لارجعك زاحف على ركبتك مش انت بس لا انت وكل اخواتك وفلوس ابوك اللى مقوياك دى هحرمك منها انا ليا بدل السكة الف ومش هغلب يا ابن الحاج عبد الصبور معاك ومع ابوك
وهشوفله سكة انتف بيها ريشه الكتير واخليه يطير وانت اللى بدئت
يا صاحبى والبادى اظلم
المشهد الخامس عشر
ليل \ داخلى \ فيلا عبد الصبور غنام
ابراهيم ووالدته واقفات يتحدثان ابراهيم
زينب
ابراهيم
زينب
ابراهيم
زينب
خالد
ابراهيم
خالد
ازيك يا امى
انت فين يا ابراهيم مباشوفكش يا بنى
فى المسجد يا امى هو ده اكتر مكان برتاح فيه
ربنا يزيدك يا بنى خوف منه واتقاه
ويهدى واخواتك زيك بس ابقى خلى لبيتك نصيب برده يا بنى انت بتوحشنى يا ابراهيم
مش اكتر منى يا امى انا بحب حضرتك جدا وبدعيلك فى كل صلاة ربنا يغفرلك ويعافيكى انتى ووالدى واخواتى
انا رايحة احضرلك العشا
ازيك يا شيخ ابراهيم
الحمد لله انت عامل ايه يا دكتور خالد
والله الحال بتاع العيادة لا يسر عدو
ولا حبيبى
قطع…
خالد
ابراهيم
خالد
ابراهيم
خالد
ابراهيم
خالد الزباين رجلهم اتقطعت عن العيادة
لا فى ولادة ولا كشف ولا حتى استشارة قشف بعيد عنك
لا انا هاجى معاك بكره الصبح ان شاء الله ابخرلك العيادة و اشغلك سورة يوسف على الديكودر هتلاقى ان شاء الله ربنا فرجها عليك
يبقى ليك الحلاوة والله يا شيخ
يعنى انت فاضى بكره معندكش حصص
لا انا اجازة بكره المدرسة كلها طالعة رحلة لوادى الريان فاتلغت كل الحصص ومن ضمنهم حصص العربى والدين
ومطلعتش ليه يا معلم هى هالة مش طالعة ولا ايه
مش هتتغير يا خالد
اه يبقى مش طالعة كده فهمت يا معلم
قطع….
المشهد السادس عشر
ليل \ خارجى \ امام مصنع الحاج عبد الصبور غنام
الحاج عبد الصبور خرج من باب المصنع يجد امامه الحاج منعم منعم
عبد الصبور
منعم
عبد الصبور
منعم
عبد الصبور
منعم
ازيك يا حاج عبد الصبور كويس انك مروحتش
ليه خير يا حاج منعم
اصل احنا عمليين قعدة زى بتاعت زمان نسيت ولا ايه يا حاج عبد الصبور
لا حد الله ما بينى و ما بين القمار انا بطلته من زمن
يا حاج ده لعب عادى مش على فلوس
متاكد يا حاج منعم
طبعا يا حاج
المشهد السابع عشر
ليل \ خارجى \ برتيتة قمار شقة الحاج منعم
الحاج عبد الصبور جالس على طربيزة قمار مع الحاج منعم والحاج احمد والحاج صالح
منعم
عبد الصبور
منعم
صالح
احمد
منعم
صالح
عبد الصبور
منعم
عبد الصبور
نبدء اللعب بألف جنيه
انت مش قلتلى مش على فلوس يا حاج منعم
يا حاج احنا بنسخن اللعب بس بعد اللعب لو عايز تاخد فلوسك خدها
طبعا يا حاج احنا كلنا تجار كبار ومتفرقش معانا الفلوس
تكسب يا حاج
تكسب يا حاج
تكسب يا حاج
يا ده الوقت أتاخر قوى انا لازم اروح
خد فلوسك معاك يا حاج
بس ده مبلغ كبير و ميصحش اخده واحنا اتفقنا انه لعب ودى
قطع….
صالح
احمد
عبد الصبور
صالح
عبد الصبور
يا حاج انا قولت لحضرتك احنا تجار ومتهمناش الفلوس حضرتك خود فلوسك لان محدش فينا هياخدها
فعلا يا حاج التسعين الف دول بتوع حضرتك
ماشى يا حاج احمد انت والحاج صالح هدية مقبولة انتو حقيقى معلمين وبهاوات واكيد زى ما فى بين لعب ان شاء الله هيبقى فى بينا شغل
سلام
هنشوفك بكره يا حاج
اكيد اكيد قوى بكره وكل يوم
المشهد الثامن عشر
ليل \ داخلى \ فيلا الحاج عبد الصبور غنام
عبد الصبور يدخل الفيلا يجد جميع ابنائه وزوجته فى انتظاره جالسين بجوار الباب ويقفون عقب روئيته زينب
امل
زينب
خالد
احمد
زينب
يوسف
عبد الصبور
زينب
عبد الصبور
زينب انتى لسه صاحية يا امل يا بنتى
دنتو كلكو صاحين اهو
اصل بابا أتاخر قوى انهارده ودى مش عادته
فعلا يا بنتى
الغايب حجته معاه
بابا لسه مجاش يا جماعة
لسه يا احمد يا ابنى
حمد لله على سلامتك خير يا حاج
مفيش يا حاجة كنت قاعد مع شوية صحاب من اصحاب زمان وهقعد
معاهم كل يوم خلينا نرجع ايام زمان
وشنطة ايه اللى فى ايدك دى يا حاج
دى شنطة اوراق تخص المصنع
ماشى يا حاج احضرلك العشا
قطع…
عبد الصبور
زينب
امل
عبد الصبور
خالد
احمد
عبد الصبور
لا انا اتعشيت مع اصحابى كباب وكفتة
بالهنا والشفا يا حاج
الحمد لله اننا اطمنا على حضرتك يا بابا
طب خشى نامى يا امل يا بنتى عندك كلية الصبح
وانت يا خالد انت ويوسف واحمد ادخلو نامو انتو كمان
ما احنا كنا هنام يا حاج بس قولنا نستنى نطمن عليك
قلقنا عليك يا حاج
انا مش عيل صغير انا ابوكو واتاخر زى منا عايز
تصبحو على خير
المشهد التاسع عشر
نهار \ خارجى \ سور الجامعة
امل خارجة من الجامعة تجد الظابط امير واقف بجوار السور الظابط امير
امل
الظابط امير
امل
الظابط امير
امل
الظابط امير
امل
انسة امل
ايوة ازيك يا حضرة الظابط
من غير مقدمات ومن الاخر كده
انا عايز اتجوزك وعايز اروح اطلب ايدك رسمى من الحاج عبد الصبور والدك
بس هنا مش مكان للكلام ده يا استاذ امير حضرتك عارف العنوان شوف حضرتك هتزورنا الساعة كام وانا هابلغ بابا
يعنى انتى موافقة
الراى راى والدى اللى هيشوفه انا موافقة عليه
طب الساعة سبعة كويس
اوك هبلغ بابا
المشهد العشرون
نهار \ داخلى \ عيادة الدكتور خالد
ابراهيم يبخر العيادة وخالد بجواره ابراهيم
خالد
ابراهيم
خالد
ابراهيم
ربنا يجعل فى ايدك البركة يا شيخ ابراهيم والعيادة تشتغل
هتشتغل ان شاء الله انت بس شغل
شريط قران وولع بخور من العلبة اللى اديتهالك
هعمل كده يوميا وربنا يكرم وتكون حلت البركة على ايديك
ان شاء مش هتلاحق على الرزق واخر اليوم ابقى طمنى
ان شاء الله يا هيما
قطع…
المشهد الواحد والعشرون
نهار \ داخلى \ مكتب الحاج عبد الصبور فى المصنع
الحاج عبد الصبور جالس فى مكتبه تدخل عليه ابنته امل عبد الصبور
امل
عبد الصبور
امل
عبد الصبور
امل
عبد الصبور
امل
عبد الصبور
امل
عبد الصبور ازيك يا امل يا بنتى المصنع نوور
فيه واحد جاى يقابل حضرتك انهارده عندنا فى البيت
واحد مين عريس يعنى
اه
ماشى يأنس ويشرف بس عرفك منين ده
ده الظابط امير يا بابا اللى كلمتك عنه
اه افتكرت ده واد مجدع قوى وهو جاى الساعة كام
الساعة سبعة
ماشى يا بنتى هكون فى البيت عندكو انهارده على الساعة ستة
سلام يا بابا حضرتك عايز حاجة منى
لا يا بنتى سلام
قطع…
المشهد الثانى والعشرون
ليل \ داخلى \ فيلا عبد الصبور غنام
جلسة عائلية فيها الحاج عبد الصبور و وزوجته واولاده احمد وخالد و يوسف وابراهيم وامل والظابط امير الظابط امير
عبد الصبور
الظابط امير
عبد الصبور
الظابط امير
عبد الصبور
الظابط امير
عبد الصبور
انا اسمى امير عز الدين ظابط شرطة ابن اللواء عز الدين
تشرفنا يا ابنى
انا جاى اطلب من حضرتك ايد الانسة امل
انا معنديش مانع يا ابنى شكلك كويس وابن ناس انت عندك شقة يا ابنى
انا وحيد والدى الله يرحمه وان شاء لو اتجوزنا انا وامل هتعيش فى الفيلا معايا انا وماما
بس يا ابنى انا مرضاش لبنتى انها تعيش مع حماتها
حضرتك الشقة مش مشكلة المشكلة انى مقدرش اسيب والدتى لوحدها
عالعموم يا بنى هنتكلم فى الموضوع ده بعدين مبروك يا ابنى انا موافق
الله يبارك فيك يا عمى
قطع…
المشهد الثالث والعشرون
ليل \ خارجى \ حديقة فيلا نادين
نادين وحسين جالسين على طربيزة بجوار حمام السباحة فى الحديقة نادين
حسين
نادين
حسين
نادين
حسين
نادين
حسين
نادين
حسين
نادين يعنى ما اتصلش يا حسين
الصبر يا نانا هيرجع
بس ده شكله مش همه الفضيحة
بالعقل كده احنا مش هنستفاد حاجة لما نفضحه
صح فعلا
بس فى حل والحل ده فى ايدك انتى
يا نانا
انا
ايوة
حل ايه
انك تروحى بيت الحاج عبد الصبور وتعريفهم على نفسك بصفتك مهندسة نانا زميله احمد فى الشغل وجاية تبلغى انه لازم يعدى على الشغل قبل ما ياخد اجازة الفرح
فكرة هايلة يا حسين
قطع…
المشهد الرابع والعشرين
ليل \ داخلى \ فيلا الحاج عبد الصبور
جلسة عائلية فيها الحاج عبد الصبور و وزوجته واولاده احمد وخالد و يوسف وابراهيم وامل والظابط امير عبد الصبور
زينب
عبد الصبور
امير
عبد الصبور
امير
احمد
مبروك يا بنتى
مبروك يا امير يا ابنى
اشرب الشربات يابنى
اشربى يا امل يا بنتى
اشرب يا حاج اشربو يا جماعة
زى ما اتفقنا يا امير يا ابنى الخطوبة هتكون الخميس الجاى يوم فرح احمد ابنى عشان تبقى الفرحة فرحتين
اللى تشوفه يا عمى
احنا حجزنا القاعة كبيرة وفخمة تليق بيكم وببنتى وبابنى احمد و عروسته
ان شاء الله ربنا يتمملك بخير يا استاذ احمد
ان شاء الله وعقبالك انت وامل
يرن الجرس ويفتح الباب وتدخل عليهم نادين ثم تجلس عبد الصبور
نادين
عبد الصبور
احمد
نادين
احمد
زينب
نادين
امل
نادين
عبد الصبور
مين حضرتك
البش مهندس احمد عارفنى كويس
انا نانا
مين دى يا احمد يا ابنى
دى دى
انا نانا مهندسة زميلة احمد فى الشغل والمدير باعتنى عشان اقول لاحمد
ان فيه شغل لسه مخلصش ولازم يخلص قبل ما ياخد اجازة الفرح وشهر العسل
ماشى حاضر هاجى
اتفضلى يا بنتى اقعدى اشرب شربات بنتى امل
الف مبروك يا انسة امل
الله يبارك فيكى
مبروك يا حاج
الله يبارك فيكى يا بنتى
قطع…
نادين
زينب
نادين
زينب
نادين
زينب
نادين
زينب
بس احمد ابن حضرتك ونعمة الاخلاق والتربية يا هانم
تسلمى يا بنتى
بجد المدير بيقول انا احسن مهندس عندى هو احمد غنام
كل ولادى زى احمد كده
ونعمة التربية يا حاجة ربنا يخليهملك
انا اسفة يا جماعة لو كنت ازعجتكم بس المدير هو اللى اصر
لا يا بنتى مفيش ازعاج ولا حاجة
بس هو كان قلى ان المدير ماضيله اجازة تبدء من انبراح ولمدة شهر
انا عارفة يا حاجة ان الفرح بعد بكره وان احمد فعلا واخد اجازة بس المدير لما راجع الشغل لقا شغل احمد لسه مخلصش فلازم يخلص شغله الاول بكره وبعد كده ياخد اجازته
هيروح يا بنتى
قطع….
تقوم نادين وتنصرف نادين
عبد الصبور
نادين
زينب
نادين
زينب شرف كبير ليا يا عمى انى اتعرفت عليكو
الشرف لينا يا بنتى
بس انا زعلانة ان احمد معزمنيش على خطوبة امل
معلش اصل الموضوع جه فجاة يا بنتى واكيد هيعزمك يوم حفلة الخطوبة
انا مضطرة امشى بقى لحسن لو اتاخرت والدى هيقلق عليا وانا قولتله خارجة نص ساعة بس مشوار للشغل فرصة سعيدة يا جماعة
اتفضلى يا بنتى مع الف سلامة شرفتينا
قطع…
قصة وسيناريو وحوار – شادى محمود شعبان
تليفون 01122699935 – 01003998579
