وسألنا الحياة انت
ليه بتعملى فينا كدا
بتاخدى عمرنا بتدينا
الهنا سنة وبتاخديه
من هنا بعد كدا كل سنة
وبتيجى على مشاعرنا
ولا بتعملى حساب لأحاسيسنا
وبتفرقى بينا وبين
حبايبنا
يبيعونا ويروحو لغيرنا
وبيبقوا ذكريات وكأنه عمر
وفات
واهو بعدوا وسافروا
دا ألم وأنا عارفه
وياريت حتى ساب وقت
نعاتبه
هو الجرح عمر ما تداويه
الدموع
والحياة ايه غير انك تكون
موجوع
ولو فاتت مليون سنة
برضه بيبقى صعب جدا
الموضوع
دا مشاعرنا حرقتها الشموع
والحياة عاملة زى الجريدة
الفرح للنشر ممنوع
وأول صفحاتها لا للرجوع
لا للرجوع …. لا للرجوع
وكأنه صوت مسموع
مش واضحة فيه الاسباب
ليه فراق الأحباب
وهما ليه طولوا الغياب
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
