الإسم / البتول العلوي
البلد / المغرب
المدينة / فاس
مسابفة شعر العامية
مش بإيديّا
أيوه بحبُه و ليه تلوموني
هو الحب دا شيء بإديّا
لو أيام العمر خدوني
لطريق أخره الليل حواليّا
يبقى سيبوني يومين على قدّي
آخد و يّا الدنيا وأدّي
قبل ما شمس العمر تعدّي
دي الأيام الباقية شوية
هو الحب دا شيء باديّا
كنت الشمعة ف ليل أيامكم
كنت الحضن اللي يدفّيكم
أحرق نفسي سنين علشانكم
و امّا خلاص الشمعة انهارت
أدّت دور لحياتكوا و دابت
استخسرتوا الضي الشارد
بحضن خطوتها و لو ثانية
هو الحب دا شيء باديا
حب يا قلبي و سيبك منهم
دانت ف عز خريفي ربيع
اوعى تفكر يوم في كلامهم
اوعى الحب ف لحظة يضيع
وردك لسّه بيرمي عبيره
حلمك كان محتاج تفسيره
و اللي يغيروا يا قلبي يغيروا
انساهم و احلم بالدنيا
أيوة بحبه وزيدوا ملامكم
برضه حعيش أيامي الجاية
