مش زى ماقالوا . مسابقة الشعر العامى بقلم / محمد مكاوى محمد جميل من مصر

محمد مكاوى محمد جميل
المنوفيه – شبين الكوم
٠١٠١٢٠٣٣٥٤٧
شعر عامى
………………….
مش زى ما قالوا
……..
مش زى ما قالوا
عنها زمان
مش هبة النيل
والله يا زمان
نيلها صحيح
يروى العطشان
لكن اللى بناها
ولاد شجعان
النيل بيجرى
ف بلاد كتيره
و مصر دى واحده
بين البلدان
جنودها دول
خير الاجناد
ف اى مكان
او اى ميعاد
جاهزين يحموها
بأرواحهم
دى بلدهم
ام البلاد
يلا يا مصريين
نساعدها
ايدى مع ايدكوا
ناخد ايدها
تعالوا نعمل
حاجه تفيدها
ولو يوم ضلمه
شمعه نقيدها
لازم نشوف
شغلنا بضمير
مفيش صغير
مفيش كبير
طول عمرك
يا بلدنا حضاره
وعلى ارضك
عاشت اديان
يا مصر الازهر
يا مناره
انتى ف الانجيل و القرءان