عبد اللطيف مبارك عبد الحليم
مصر
شعر غنائى
*****مش ها سمحلك *****
مش ها سمحلك تبعد تانى مش هاسمحلك
سيبنى اتحكم فبك وبراحتى كده اريحلك
*****مش ها سمحلك *****
مش هاسمحلك تبعد تانى علشان بعدك قاسى وجانــــى
خليك جنبى وسط احضانى دنا ناسك وحبايبك واهلــــك
*****مش ها سمحلك *****
مش ها سمحلك تبعد تانى ولا تعيش فى ثوانى لوحدك
دنا قلبى فى بعدك وحدانى عمره ميتحمل يوم بعدك
اصل الوحدة دى قاسية ومرة وكفاية انا جربتها مـــــــرة
انا مش هاسمحلك تانى مرة الا تكون رجلى على رجلـــــك
*****مش ها سمحلك *****
مش هاسمحلك تبعد تانى ولا هاسمحلك تمشى براحتك
ولا اسيبك حتى لثوانى مشغول مع نفسك ولوحـــدك
مش هاسمحلك تهجر حضنى وتسيبنى لجراحى وحزنـــــى
مطرح مطروح وياك خدنى يبقى كده اريحلى واريحلـــــك
*****مش ها سمحلك *****
ايه ها يكون من بعدك حالى دى الدنيا دى ماتلزمنيش
بعد ما تبعد عنى يا غالى قلى ازاى انا فيها هاعيــش
مش هاتحمل بعدك ثانية ايه هاعمل بعدك بالدنيــــــا
دنت حياتى وروحى التانية وفى وسط احضانك برتحلــك
*****مش ها سمحلك *****
