مش هاقدر اكابر … شعر / م . محمد الجوجرى

بشتاقلك كتير واتحمل
وأدوس على قلبى واتجمل
وارضى ببعادك واتألم
وحروفى ماتقدر تتكلم
بشتاق وشوقى يسهرنى
وبعدك عنى يألمنى
قلبى مش راضى يريحنى
ويسبنى أعيش مع نفسى
بيطارد فيه ويهدد
مش راحسيبك تتردد
انا مش هافضل أتعذب
واكتم فى مشاعرى واتصعب
وأدارى وجوايا مشاعر
مايرويها غير حبى الطاهر
كلم محبوبى وشاروله
وعن حبك قوله وفسرله
يمكن يفتحلى أبوابه
وارتاح جنبه وفى رحابه
يارايح عنده سلملى
خليه يحن ويرضى يكلمنى
وقوله هافضل مستنى وصابر
وفى حبك مش هاقدر اكابر