****** مسرحية قصيرة ****** *******مطلوب موظفين ****** الشخصيات 1/ مجدى بيه (رئيس مجلس الإدارة للشركة ) 2/ مرزوق بيه (نائب رئيس مجلس الإدارة ) 3/عمى مدبولى (عامل فى الشركة )
المتقدمون لشغر الوظيفة 1/ أبوشفة الأصلع (بلطجى ) 2/ جابر عبد الموجود (صعيدى ) 3/الحاج حنفى (71 عام ) 4/فرتيكه (بائع متجول ) 5/بسمة أمل (فتاة 18 عام )
********************** السيناريو والحوار ******************** عمى مدبولى جاء بالدراجة الى مقر الشركة فى تمام الساعة السابعة صباحاً ولايدرى أن هناك تقديم طلبات للعمل فى منصب سكرتير الشركة فوجد المتقدمون نائمون على الكراتين وأحذيتهم تحت رؤسهم فقال. يافتاح ياعليم يارزاق ياكريم باين عليك يامدبولى تهت عن مكان الشركة إنت يامدبولى خلاص كبرت وراحت عليك أكيد دى البوسته والناس بتوع المعاشات ياعينى نايمين من ليلة إمبارح عشان يقبضوا المعاش . بس دى الشركة يامدبولى يامثبت العقل فى الراس حتى اليافطه عليها ياناس . وعندما رجع لعقله وعرف أنها الشركة التى يعمل بها فقال . إنت يابنى إنت وهو دى مش بوسته عشان تناموا قدامها قوم يابنى خلينا نفتح .ثم دخل ينتظر مجدى بيه ومرزوق بيه ووقف المتقدمون طابور بحسب الحضور. وجاء مجدى بيه ومعه مرزوق بيه ودخلوا الشركة ووجدوا عمى مدبولى يمسح المكتب بالفوطه .
مجدى بيه صباح الخير ياعم مدبولى
عمى مدبولى صباح الفل يامجدى بيه .هو فيه إيه النهارده فى الشركة
مجدى بيه إنت مش معانا ياعم مدبولى ربنا يكون فى عونك إنت ياراجل كبرت وراحت عليك. النهاره ياعم مدبولى تقديم لشغل فى السكرتاريه . روح ياراجل هات لنا القهوه.
عمى مدبولى حاضر ياسعادة البيه
فرتيكه جاء بكرتونه على كتفه ومر على طابو المتقدميين خمسه وعشرين إبرة خياطه صلب ألمانى بجنيه ولا الحوجه للجيران والتخبيط على البيبان وتقولى شحتينى إبره يام فلان عشان أخيط كم الفستان. مركب وجات غلطه خمس إبر خياطه واتنين صوافى ومشبك بربع جنيه ولاإستغلال المحلات
عمى مدبولى خرج وقال يابنى ده مش قطر دى شركه محترمه روح من هنا الله يسهلك.
مرزوق بيه دخل أول واحد فى الطابور ياعم مدبولى
عمى مدبولى حاضر ياسعادة البيه أدخل يابنى
جابر عبد الموجود دخل وفى يده شنطة سوداء وفتح الشنطة وأخرج منها حبات الكوسة وقال والله ياسعادة البيه من الغيط على هنا على طول وصابحه زى الفل تنفع للطبيخ والحشى تستاهل بؤك.
مرزوق بيه إيه يابنى ده إحنا طالبين سكرتير مش طبيخ إسمك إيه
جابر عبد الموجود دابر عبد المودود والله ياسعادة البيه لما قاللى واد عمى إن الشغل هنا بالكوسه دبت الكوسه وديت طوالى.
مجديه بيه خلاص يامرزوق خد منه الورق وروح ياجابر وهنبعتلك إللى بعده ياعم مدبولى
الحاج حنفى دخل عمى حنفى بالعكاز ومعه أتنين ساندينه وعندما وصل داخل المكتب وقع على الأرض
مرزوق بيه إيه دا ياعم حنفى هو عزرائيل بعتلك على هنا إنت جاى تعمل إيه
الحاج حنفى أشتغل إى حاجه ياسعادة البيه أنا عاطل بقالى 45 سنه ومستنى أى وظيفه إن شاالله مدير حتى أنا موافق.
مرزوق بيه طيب ياعم حنفى هنبعتلك إن شاء الله مع ألف سلامه إللى بعده ياعم مدبولى
أبوشفه الأصلع دخل وفى وجهه إصابات وقطن وشاش وخبط الباب برجله ودخل على المكتب أنا عايز زيت وسمنه وصابون دلوقتى ولا أولعلكم فى المكتب
مجدى بيه يابنى دى شركة مش جمعيه إستهلاكيه روح إطلع بره إيه المصايب دى
أبوشفه الأصلع أنا شايف الناس طالعه من هنا بكراتين ورفع الكرسى عليهم نزل مجدى بيه تحت الترابيزه( المكتب ) وبعدما أقنعوه وفى طريقه الى الخروج خرج مجدى بيه من تحت المكتب ورفع الكرسى عليه من الخلف وعندما إلتفت إليه وضع الكرسى على الأرض وقال له تفضل .ثم خرج أبوشفه الأصلع
مرزوق بيه إللى بعده ياعم مدبولى وبص فى وشهم كويس
بسمة أمل دخلت عليهم هاى أنابسمة أمل 18 سنه وهى تتراقص وتثير بجسدها وقف مرزوق بيه ومجدى بيه وقالوا تفضلى . ياعم مدبولى حاجه ساقعه هنا بسرعه .
مجدى بيه بصى إحنا مش عايزيين نتعبك ممكن تجهزى ورقك بعدين وإنتى من النهارده على قوة العمل ياجميل
****************** إنتهت المسرحية ********************
************ سيناريو وحوار عيسى عبد الرؤوف**************
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
