مش غريبه
تبقى ايدك فوق ايديهم
ياخدوا خيرها ويقطعوها
تجبر الأيد وتواصلهم
يطعنوك ويقطّعوها
مش غريبه
م الألم لو يعلا صوتك
يطلبوا منك سكوتك
حتى لو ف الصمت موتك
والحقيقه ينكروها
مش غريبه
يعنى اصرار ع النداله
من بشر عدموا الأصاله
يبقى بالتأكيد دى حاله
مش غريبه يعيشوا فيها
الغريبه
لو قليل الأصل يوم صان الجميل
أو عديم الرؤيه ينفع يوم دليل
أو سما بالخير تمطر من بخيل
أو يجيب سيرتك بسوء ناس بتراعيها
أى حاجه مش غريبه
مش غريبه
