خاص بالمسابقة
شعرعامي
الشاعر جوده فتحي عبدالعال
مصر _ أسيوط _ ديروط
موبايل 01284131855
……………………………….
قصيدة /مفيش تغيير…¡¡¡¡¡¡¡
……………………………….
مانيش لاقي ولا كلمة..
تاخدني بعيد عن اللمة..
وفارد كل كلماتي..
قصيدة شعر..
تغير للسنين شرايين..
ف عز الليل تبان شمسه..
وييجي الصبح مع أمسه..
ونسمع غنوة صباحي..
وأقول الشعر كما المواويل..
ف صدقني أنا شاعر..
لكن إحساسي إني أسير..
ومتعود علي إني أكون ورق بردي..
ومتسطر بلون وردي..
ومش قابل ب كون تغيير..
أنا التفسير..¡¡¡¡
ف سورة مريم العدرا..
وأخت هارون..
وكانت ف الجبل حبلي..
ف جابت لينا أحلي مسيح..
ف كون تباريح..
وحلمي ع البساط راكب..
مع سليمان..
مع الحاشية اللي كانت من وراه ماشية..
مع الجني مع الإنسان..
عشقت الريح..
وجوايه حروف الشعر مكتوبة..
كلام مجاريح..
يا أحلي مسيح أنا شفته..
معاه الإنجيل..
أنا شاعر وبتعلم بحور الشعر..
ومتلخبط كأني ف حضرة المساطيل..
وتخدعني دموع تماسيح..
أنا ب أحلم بحلم نهار..
أزور مكة..
وأنادي فين صلاح الدين..
ووحي قصيدة من تاني ونظرة عين..
كأني أمير…
أروح حيفا أروح عكا يدوب تكه..
ما بين الأقصى والتحرير..
وأبات أحلم أقول يمكن..
أقابل موسي ف طريقي..
يشوف لي ف معبده سكة..
وأنا طاهر ومتوضي..
ومالي جيوبي بالفكة..
ورغم قسوة المشاوير..
مفيش تغيير..¡¡¡¡
وبدعوة وركعتين لله..
وجبهة ف عز البرد سجداله..
أناجي المولي يا الله..
على الأقصى اللي عمره أسير..
ف إيد صهيوني متشعبط ف حق الغير..
ألاقي نفسي متلغبط ف خط السير..
وبرد طوبة اللي كان حاضر..
ف عز أمشير..
يخليني كده أتبسم..
وحروفي ع الورق ترسم…
ضفاير شعر وقصيدة..
وليها ف الزمان عنوان..
مفيش تغيير مفيش تغيير..¡¡¡ #الشاعر_جوده_فتحي
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
