مقطع من أخركلام
…………
أخر ما خَط القلب على روح القصيد
أخر وصية تنادى ع الزمن العنيد
أخر كلام الحُر فى كتاب العبيد
ايه اللى وقت الحشرجة ممكن يفيد؟
ممكن يعيد الروح فتتشاهد أمل
تبكى تنادى المحتمل توبة وخضوع
يارب لحظة للرجوع والمسألة
فك اللسان انطق شهادتى.. واخرسه
فك القيود عن نَفَسي اركع ..واحبسه
لين لى بصرى التوبة محتاجة الدموع
فكك لى ساقى سجدة واحدة بالخشوع
يارب لحظة ارجع واتوب واستغفرك
يارب سترك صفحتى طفحت ذنوب
طفحت عيوب الحبرمن مر القلم
الحرف علقم خط قلبى ميت آلم
اول رجوع عنوان اخير حزن وندم
ارحم يارب مذلتى كون لى السند
أشهد بأن الله هو الفرد الصمد
وإن الحبيب المصطفى خاتم الرُسل
أخر كلامي بالتشهد والرجا
ووصية لولادى واهلى وعزوتى
انا بين ايادى المولى راجى رحمته
جسمى الهزيل مفرود على فراش الوداع
بياع حكاوى العمر بس بدون تمن
الكل شارى بس مين راح يؤتمن
