مكملين. مسابقة شعر العامية بقلم / دعاء على احمد

اسم العمل : مكملين

*******************

أيوه هنا .. يا أبو قلب
تايه عننا.. أربع دقايق
وقت .. ضايع مننا
لحظه / قبل م ننفصل
لحظه / قبل الموت
ياريت .. في شريط حياه
وذكره غاليه بتتصل
رد الندا .. حرب العراق
أقصر .. كتير من بعدنا
( ياحلمنا.. الساكن بعيد )
انا كل عيد.. بروح أزورك
وبجيب لعندك نور ( صمد )
الفاتحه ع الميت بتوصل
فهل الفاتحه ع العايش تجوز ؟
اربع دقايق عمر كافي
هفكرك.. نبض الشوارع
زحمه الناس والعدد ..
لعب الكزوز .
( يا نجمها السارح بعيد )
في بنت ماشيه
جمب واحد ف الوريد
و الزمن جمع مابنهم
تحت مطره فأستراحه
أربعيني كان بيطيب
حبيبته / المجهده
بكلمه حلوه عشان
تروق .. مشهد الشمس
الي يهبل .. فالشروق
صمت قلبك أما كان
بيحس غيره
( كاس وبيره )
وتلج أيدك
اما بتسلم برعشه
كل المشاهد صمتآ
بتفكرني بيك
لحظه تجلي المغربيه
السحاب سرح صبيه
جسمها مفتول حرير
قلبها مغزول حنان
بورده بلدي .. وعود ريحان
انت الريحان .. ياااااا وردها
انت الطريقه.. الي بيا ملكتها
كان قصدها أني .. أوصلك
لو كان لقلبي .. حق فيك
لو كان عليا .. استئصلك
( هستئصلك )
دوبتني .. وضعفت بيك
لو كان بأيدي اني اكسرك
انا هكسرك .. من حبي فيك
كنت تايه .. كنت ليل
شمسي كات / بتنورك
حليت .. طريقتك ف الحياه
رميتلي .. ملح ف / سكرك
خليت وجودك فوق وجودي
صغرتني وكسرت عودي
ورفضت حتي / أستصغرك
رغم الخيانه رغم الخيانه
بتعشقك ضمه ورودي
.. / ما اروعك
أياك تشوه صورتك
الحلوه ف عنيا
أنا قولتلك .. لوكان عليا
و رسمتلك برين أمان
فاضل سؤال انا هسأله
واقفل ياريت خط الزمان
امسح الرقم اللعين
من/ دفترك
( هو مين فين الجبان ؟ )
أنت.. أنا .. أنا .. أنت
( وأنا وأنت ) .. متأكدين
يجوز تغيب شمسنا
يجوز تضيعنا السنين .. لكننا
رغم اختلفنا ( مكملين )
م ك م ل ي ن