ملخص : حظ سئ .مسابقة الرواية بقلم / مايكل معزوز لمعي .مصر

رواية /حظ_سئ      

عادل شاب بسيط واحلامه ابسط منه لكن ديما كان حاسس ان حظه قليل في الدنيا.او انه نحس وشه وحش يعني وسبب الاحساس ده ان اصحابه دايما كانو بيتريقو عليه ويقلوله انت كل شغلانة تروحها الشغل يقف او يحصل اي حاجة المهم الشغل ميكملش ايه ياعم وشك النحس ده

• واحد من اصحاب عادل اتصل بيا وقاله ياعادل انا خلاص لقتلك شغلانة في فندق جنبي جهز شنطتك وتعالي .عادل قاله بجد طيب هشتغل ايه وهبقي معاك في نفس المكان ولا ايه قاله صاحبه لا هتشتغل في فندق تاني بس قريب مني قاله ربنا يخليك ياصحبي انا كان نفسي اشتغل في السياحة

• وبالفعل عادل جهز وراح اشتغل في الفندق اللي صاحبه قاله عليه وبعد اسبوع من الشغل حصل حالة تسمم لنزيل اجنبي في الفندوق والفندق اتوقف. اتصل عادل بصحبه وقاله علي اللي حصل رد صاحبه عليه وهو بيضحك يابني انت فقر ايه النحس ده الفندق بقالو اكتر من خمس سنين شغال اتوقف لما انت اشتغلت في. بدء عادل يحس فعلا ان وشه وحش عادل اشتغل في اماكن كتير وكل مره يحصل حاجة توقف الشغل. وبيكون صاحب ليه هو اللي شغلو في المكان ده لدرجة ان عدد كبير من اصحابه بعدو عنه بسب حظه. يئس عادل من اصحابه ومن نظرة الناس ليه. في ناس كانت شايفة انه وشه وحش ونحس وفي ناس تاني شايفة انه فاشل ومش نافع. مع ان عادل كان بيعمل اللي عليه وبيدور علي شغل تاني بعد مابيسيب الشغل اللي كان في. وبعد فترة جت شغلانة جديده لعادل وهي انه يشتغل في شركة معمار بالفعل راح عادل الشركة وهناك قاله المشرف ان مفيش غير شغلانة واحده هي اللي متاحة دلوقتي قال عادل للمشرف اي هي الشغلانة دي قاله في (الكهرباء) عادل قال مفيش شغلانه تاني غير دي انا ممكن اشتغل عامل اشيل واحط مش مهم التعب قاله المشرف وليه تشتغل عامل وفي شغل احسن هتتعلم منه ويبقي معاك مهنه تشتغل بيها في اي مكان قاله عادل اصل بصراحة انا وشي وحش نحس يعني كل ماروح شغلانه الشغل يقف او يحصل حاجه..خايف اشتغل في الكهرباء اتكهرب وموت ضحك المشرف وقاله مفيش حاجة اسمها وشك وحش ده تخريف انت شكلك طيب.

• لسه بيتكلم المشرف معا. دخل واحد شغال في ادارة الشركة قال للمشرف الادارة باعته ان لازم نصفي ل10% من العمال عشان العدد زاد والشغل هيقل عشان دخلين علي العيد.بص المشرف كده لعادل وقاله تصدق انت فعلا نحس ده انتا لسه مشتغلتش والشغل اتوقف. ابتسم عادل وهو جواه حزن والم وقاله مش مهم انا متعود علي كده. حس المشرف ان احرجو قاله لا يابني ده نصيب اسمع انا هبعتك شغل في شركة معمار تاني وهتشتغل في الكهرباء برضو يلا روح وانا هكلملك المسئول اللي هتكون معاه هناك وربنا معاك.

• بالفعل راح عادل الشركة واشتغل في الكهرباء وكان اول مره يحس ان الحظ حلو معاه اشتغل عادل لمدة 6 شهور واتعلم مهنة الكهرباء المسئول عن عادل كان ديما بيحسسه انه ناجح ووشه حلو والشغل ماشي سهل استغرب عادل وقال بجد انا شغال بقالي 6 شهورع وتعلمت شغل الكهرباء يعني كده اقدر اسيب الشركة واخد شغل لحسابي.بعد دقيقتين جه فون لعادل بيقلو جالك استدعى لجيش تسلم نفسك بعد يومين لكتيبتك قال عادل لنفسه ايه دا انا حسدت نفسي استدعى ايه بس انا مصدقت خلصت الجيش وبالفعل راح عادل الجيش المعروف ان الاستدعي بتكون 15 يوم بس. لما عادل راح بوشه الحلو حصل هجوم علي عدد كبير من الكمائن من قبل الارهابيين في الوقت ده الجيش قرر يرفع حالة الطواري .ساعتها عادل مكنش هيعرف يخرج في معاده. قعد عادل في الجيش اكتر من شهرين وهو مش عارف هيخرج امتي والاوضاع هتستقر ولا ايه مكنش عارف حاجه.

• واحد من اصحاب عادل عرف بالصدفة ان عادل بيحب اخته وهي بتحبه ولما هيخلص الاستدعي هيجي ويخطبها لكن صاحب عادل كان شايفه انه فاشل وحظه قليل او نحس زي مبيقولو فقرر يخلي اخته تبعد عنه راح قالها ايه اللي بينك وبين الواد اللي اسمه عادل قالتله اخته ده بيحبني قالها لا ابعدي عنه ده شاب فاشل ونحس انتي شيفا يعني يوم لما يجيلو استدعي الجيش يحارب ده وشه فقر.ابعدي عنه انا صاحبه وعارفه ده مش نافع في حاجه قالتله اخته ده نصيبه كده بس هو حنين ومكافح وبيحبني قالها يبنتي انتي تستاهلي احسن من كده اصبري. طيب هيشتغل ايه وهو مش نافع في اي شغلانه وهتعيشي ازاي معاه بالحب؟ الحب مش مقياس للسعاده. قاعد اخوها يحكيلها ويكرها في عادل والاسم ان هو صاحبه وعارفه انه نحس وحظو وحش فضل يقولها لحد ماخته اقتنعت وقلتله خلاص انا هبعد عنه واقوله انت مش مهتم بيا وبقالك اكتر من شهرين مش بتسال عليه. قالها اخوها.صح كده ومعروف ان البنت بتحب الاهتمام سيبك منه ده ممكن يوم فرحكم يحصلك حاجة او تموتي محروقه ضحكت اخته قالت له علي رايك انت صحاتخلت البنت عن عادل بسهولة .عادل دايما كان شايف اصحابه دول احسن حاجه في حياته لكن اصحابه كانو غير كده كانو مصحبين عادل عشان يضحكو ويهزرو عليه ويقللو منه .وعادل بطيبة قلبه كان شايف ان كله ده هزار وكان بيضحك زي اي شاب بيحب يداري حزنه بابتسامته..جلس عادل طول فتره الجيش مش عارف يتواصل مع البنت اللي بيحبها..تعب عادل نفسيا ومكنش قدامه غير ان يصبر لحد ماينزل اجازه. بعد يومين الاوضاع رجعت لحالتها الطبيعيه. رجع قائد الوحده والظابط من المداهمه وتم الانتصار علي الارهاب في اليوم ده جمع القائد كل العساكر وقالهم الحمد الله كل حاجه رجعت لحالتها الطبيعيه وبنشكر كل العساكر اللي كانت جايه استدعى تقعد 15 يوم وتمشي لكن بسبب الاوضاع بقالهم شهرين انتم هتخرجو بعد يومين  بعد ماتتكرمو من قائد الجيش علي حبك لوطنكم .

• سمح قائد الكتيبه للعساكر انهم يستعملو الموبيل عشان اهلهم تطمن عليهم . عادل كان رايح من غير موبيل الجيش فقال لعسكري معاه. ممكن اعمل مكالمه معلش قاله اتفضل اتكلم برحتك. اخد الموبيل عادل وكتب رقم البنت اللي بيحبها ورن لكن للاسف لقي موبيلها مقفول اتخنق عادل وزعل. عمل مكالمه تاني ورن علي المشرف اللي كان شغال معاه قبل فترة الاستدعي وقاله ازيك انا عادل اللي كنت شغال معاك في الكهرباء فقاله المشرف ايوه ياعادل فاكرك قاله عادل انا خلاص خلصت فترة الاستدعي وهاجي بعد يومين

• قاله المشرف معلش ياعادل الفتره دي العدد كفايه مفيش تعينات فقاله عادل خلاص ماشي شكرا.. رجع عادل الموبيل لصاحبه ومشي وهو مخنوق وزعلان فقابله واحد كان جاي معاه استدعي وكانو شغلين سواء مع بعض في تجديد الكهرباء للكتيبه فقاله مالك ياصاحبي زعلان ليه قاله مخنوق شويه بقولك ينفع اعمل مكالمة من عندك فقاله اتفضل ..

• اخد عادل الموبيل ورن علي البنت لقي موبايلها اشتغل

• عادل/ازيك انا خلاص خلصت الاستدعي وراجع وهخطبك

• البنت/الله يسلمك لسه فاكر تكلمني بقالك شهرين مكلمتنيش فين اهتمامك بيا انا ماليش لازمه عندك لا متجيش تخطبني

• عادل/ايه الطريقه دي اعمل ايه غصب عني الفون ممنوع هنا

• البنت/ معلش ربنا معاك وتخرج وتلاقي شغل وميحصلش حاجه تاني توقف الشغل وتشوف حياتك بس احنا مش هينفع نكمل مع بعض ياعادل ربنا يبعتلك اللي شبهك لكن انا لا

• عادل/ ليه كده الكلام ده بتعايريني عشان حاجه انا مليش يد فيها وحظي قليل في الدنيا ده انا حبيتك بجد

• البنت/ده نصيب واحنا مالناش نصيب نكمل ياعادل باي

• رجع عادل الفون لصاحبه ومشي بسرعه حس صاحبه ان في حاجه راح مشي ورا وقعد يراقبه.. رفع عادل وشه للسماء وهو كله حزن ويائس من كلام البنت ليه وقعد يكلم ربنا ويقوله ما انا مش جاي الدنيا دي عشان اتعذب واتهان بس اشمعنا انا ليه كل حاجه ببقي نفسي فيها تضيع مني ليه حظي ديما وحش مانت اكيد مش جايبني الدنيا عشان كده اكيد جايبني لهدف ايه هو الهدف.. وبكي عادل من كتر الهموم اللي شايلها من كتر الاحباط فكر ان ينتحر شايف ان كل حاجه ضده مفيش حد واقف معا مفيش حاجه بتكمل معاه للاخر ان كان شغل او حب او اصحاب حتي اهله شيفينه قليل ومش نافع في حاجه خالص.سمع صاحبه كل كلام عادل وراحله قاله مالك ياعادل ايه اللي مزعلك قاله تعبان ونفسي اموت مش عارف ليه حظي وحش كده. انا بسبب الاستدعي اللي جاتلي. البنت اللي بحبها سابتني ومش هعرف ارجع شغلي تاني دا انا ماصدقت ان الاقي شغل قاله صاحبه ليه مالشغل كتير قاله عادل كنت كل ما اروح شغل الشغل يقف او يحصل حاجه توقف الشغل هو ليه حظي كده؟ قاله صاحبه ايه معني كلمت حظ بنسبالك ؟ معنها انك تروح الشغل تشتغل في ثانيه؟ وان يجي لدفعتك كلها اللي كانت معاك استدعي وانت لا؟ وان لما تحب تاخد اللي بتحبه؟ وان لما تحلم تحقق حلمك في نفس الوقت؟ قاله عادل انا الكل بيعملني علي اني فاشل حتي البنت اللي حبتها شيفاني نحس وهعديها معايا. وصحابي شايفني فاشل قاله صاحبه طيب مفكرتش ليه ان ربنا بيخليك تسيب الشغل عشان هيكون في ضرر ليك ومش علشان حظك وحش مفكرتش ليه ان البنت ربنا خلها تسيبك وتمتكملش معاك عشان هتتعبك بعد كده .طيب ما احنا اشتغالنا مع بعض ياعادل في تجديد الكتيبه وبقالنا اكتر من شهر ونص شغالين وهنتكرم بكره من قائد الكتيبه قبل مانخرج علي تعبنا.. فين بقا حظك الوحش موقفش الشغل ليه.. انت عارف سبب احساسك انك حظك وحش وسبب احساسك بالفشل ايه؟ قاله عادل ايه.. قاله انك بتتعامل مع الناس اللي بتحب تيأسك وتحبطك بس انت عارف ممكن انت تستخدم الناس دي انك توصل لحلمك للاسف الاصحاب اللي بتخليك شايف نفسك قليل دول مش صحاب ومينفعوش يكونو اصحاب مفيش حاجه اسمها حظي وحش في حاجه اسمها هتعب عشان اوصل وافتكر ان كل حاجه ربنا كان بيبعدها عنك كان لمصلحتك صدقني طيب ماهو في اكتر من 300 عسكري جه الاستدعي معك وبقالهم شهرين زيك دول مقالوش ليه حظي وحش طيب الشغل اللي كنت بتشتغل في وسبته اكيد بيبقي في ناس تاني شغاله كله ده حظه وحش زيك ده نصيب ياعادل واكيد ربنا بيبعد عنك الحاجه اللي هتضرك.. ولو علي الشغل بكره هنخرج سوا وهنشتغل مع بعض في مهنة الكهرباء وهتشوف صحاب الجيش من الاصحاب التانيه. وعادل بيتكلم مع صاحبه دخل عليهم العسكري اللي كان واخد منه عادل الموبايل عشان يرن علي البنت اللي بيحبها وقاله ياعادل الرقم اللي انت اتصلت بيه من شويه ولقيته  مقفول فتح تليفونه ورن عليه هو رقم بنت صح؟ عادل قاله ايوه مالها البنت كلمتك قاله صاحب الفون ايوه واتكلمت معايه وقالتلي حاجه غريبه انتا تعرفها منين دي

• عادل: اه دي البنت اللي كنت بحبها وهتجوزها بس سبتني

• صاحبه: ده عشان ربنا بيحبك بعدها عنك ياعادل انتا طيب.

• عادل: ليه بتقول كده هو ايه اللي حصل لما كلمتك ؟

• صاحبه: هي رنت عليا وانا طبعا معرفش ان ده الرقم اللي انت رنيت عليه وتبعك المهم رنت وفتحت عليها قولتها مين قالتلي انت اللي رانن انت اسمك ايه وقعدت تتكلم معايا وقالتلي انت بتشتغل ايه قولتلها عندنا مصنع سجاد قالتلي وبتدرس ولا لا. كله ده وهي تسال وانا اجاوب فبتقولي انت مرتبط قولتلها اه مرتبط وهتجوز. اول مقولتلها مرتبط راحت علت صوتها وقالتلي بترن عليه ليه وانت مرتبط انت بتعاكس. انا استغربت قولتلها يعني لو مش مرتبط كان ينفع اتكلم معاكي قالتلي اه طبعا كان ينفع ماممكن تكون بتحبني وعايز ترتبط بيا ومش عارف تكلمني غير بالطريقه دي ان تجيب رقمي وتعاكسني قولتلها لا حضرتك انا مرنتش علي حد ومش بعاكس. افتكرتك انتا ياعادل لما اخد مني الفون تعمل مكالمه فقولتلها هو انتي تعرفي واحد اسمه عادل في الجيش.قالتلي بصوت عالي وانت تعرف عادل منين قولتلها اصل اخد مني الفون وقالي هعمل مكالمة اكيد رن عليكي انتي. راحت قالتلي وكمان بيرن عليا من ارقام غريبه. بصراحه ياعادل هي استفزتني فقولتلها مانتي كان عاجبك الرقم الغريب وبتتكلمي وبتسالي وانا اجاوب انتي زعلتي لما لاقتيني مرتبط. راحت قفلت السكه. انا اسف بس بنت مش محترمه وهو ده اللي حصل انا مكنتش اعرف انها تبعك

• قاله صاحبه اللي كان بيتكلم معاه الاول. واللي كان شغال معا في شغل الكتيبه..عرفت ليه ياعادل دلوقتي ربنا بعدها عنك؟

• عشان دي واحدة بتحب نفسها بس. دي انسانه ماديه وبتروح مع اللي يدفع اكتر انسانه ملهاش قيم ولا مبادئ. ربنا بيحبك ياعادل عشان كده بيبعد عنك الوحش صدقني وانت مفكر ان حظك هو الوحش اهو اتاكدت ان حظك حلو انها بعدت عنك سكت عادل ورضي باللي ربنا كتبهوله وتم تكريمه هو وصحبه من قبل القائد لتجديد الكتيبه وعمل شغل الكهرباء اللي ناقص فيها.وخرج عادل بعد ماخلص فترة الاستدعي..

• صاحبه: ياعادل اسمع انا كان عندي شغلانه ملحقتش اكملها بسبب الاستدعي تعالي نكملها سوا ونبدأ مع بعض عادل: انا خايف يكون وشي وحش عليك صدقني انا كل شغلانه روحتها كانت بتقف انت انسان طيب وصاحب بجد انت الوحيد اللي وقفت جمبي بعد ما الكل اتخلي عني صاحبه: احنا قولنا ايه مش قولنا مفيش حاجه اسمها حظي سئ تعالي نكمل الشغلانه وربنا يرزقنا سوا ..بالفعل راح عادل وصاحبه يكملوا باقي الشغلانه البسيطه اللي كان شغال فيها قبل الجيش وصل عادل وصاحبه البيت بعد ماشتروا حاجات الكهرباء اللي ناقصه وابتدوا الشغل.. وخلص اليوم. عادل قال لصحابه ايه ده انا مش مصدق هو اليوم خلص من غير مايحصل حاجه قاله صاحبه اه عشان تعرف ان مفيش حاجه اسمها حظي وحش بكره هنيجي نكمل بقيها.. روح عادل البيت وقعد يكلم اصحابه ويسال عليهم ومن ضمنهم اخو البنت اللي كان بيحبها كلمه وسال عليه قاله اخو البنت وهو عامل نفسه مش عارف اللي كان بينه وبين اخته ايه. قاله ايه ياعادل اكيد بتكلمني علي شغل زي ما اتعودت معلهش ياعادل انا كمان قاعد من الشغل اصل الشغل بسيط والمصنع اللي شغال فيه واقف فتره. قاله عادل ياصاحبي انا بتصل اطمن عليك علشان بقالي شهرين في الجيش وأنت مش بتسال قولت اسال انا ربنا معاك ياصاحبي ولو لقيت شغل ليك معايا اكيد هتصل بيك ده انت صاحبي اللي ياما وقفت معايا وشغلتني بس انا كان حظي سئ معلهش.. استغرب صاحبه من كلام عادل والطيبه اللي هو فيها وان قلبه ابيض. واستغرب ان عادل مجبش سيرة اخته خالص راح عادل وصاحبه يكملوا باقي الشغلانه اللي شغالين فيها لكن للاسف وهما رايحين تعب صاحب عادل اوي قاله

• عادل: مالك ايه اللي تاعبك ياصاحبي ما انت كنت كويس صاحبه: مش عارف عندي صداع جامد انا مبتعبش خالص

• عادل: عرفت ان وشي وحش عليك اهو النحس بداء يظهر.

• صاحبه: بلاش الكلام ده ياعم التعب ماله ومال الوش الوحش

• عادل: طيب تعالي نرجع احنا في بداية الطريق علشان ترتاح

• صاحبه: لا خليك انت انا هروح وحدي ده شوية تعب بساط

• عادل: لا مش هينفع لازم اروح معاك. ووصلك لحد البيت

• وبالفعل روح عادل صاحبه البيت وقاله ارتاح احنا معندناش غير الشغلانه البسيطه دي مش هتاخد غير يوم واحد وبعد كدا هنقعد في البيت يبقي ارتاح براحتك قاله …

• صاحبه: متخافش ربنا هيبعت شغل كتير والجو وحش اساسا ورياح جامده النهارده يلا خد شريط اللحام ده وباقي الحاجه معاك عشان لو معرفتش اروح معاك بكره تروح انت لوحدك تكمل باقي الشغل وتخلص عشان صاحب الشقه مستعجل عادل: ماشي هاخد كل حاجه معايا ربنا معاك. يلا سلام.

• وهو مروح ركب عادل باص.لكن للاسف اليوم ده كان الجو وحش اوي كانت رياح شديده ومطر بسيط. وبسبب الرياح الشديده دي كان في عمود كهرباء واقع علي الطريق وموقف الدنيا وللاسف العمود مكنش مفصول كان لسه في كهرباء وكمان مطر.الناس كانت خايفه تعدي من جنبه عادل سمع ان العمود ده واقع خرج من الباص يجري يشوف في ايه….

• كانت الناس بتصوت بسبب شاب عنده سنه مقارب ل 15 سنة كان سايق دراجته وحب يعدي من جنب العمود لمس العمود وللاسف الكهرباء ماسكة فيه. لكن لسه كان بيعافر ومتمسك بالحياة عادل عزل نفسه عن الكهرباء وطلع عدة الشغل بسرعة وفصل التيار الكهربائي عن العمود وعزله بشريط اللحام اللي كان معاه. افتكر عادل دلوقتي لما صاحبه  قاله خد حاجة الشغل معاك ياعادل .

• بعد ما عادل عزل الكبل وطمن الناس جري عادل علي الشاب لقيه اغمي عليه شاله وحطه علي جنب. وللاسف الاسعاف اتاخرت بسبب زحمة الطريق. نزلت الناس من العربيات تشكر عادل علي اللي عمله وعرض حياته للخطر. وفصل التيار الكهربائي عن العمود وانقذ الشاب علي اخر لحظه الناس فرحت وتجمعت حوالين عادل وشافت ان اللي عمله ده

• عمل بطولي ويستاهل ان يتكرم عليه.جه راجل كان متابع عادل.وقاله حضرتك كهربائي؟

• عادل: ايوه انا كهربائى تحت امر حضرتك اي خدمه ؟؟ الرجل: كويس انت ابن حلال انا لسه كنت بدور علي كهربائي ومحتاجه في شغل ومستعجل عليه

• عادل: انا تحت امرك ومستعد للشغل ايه هو الشغل ؟

• الرجل: الموضوع ان انا مقاول وفي برج مكون من 12 دور وانا واخده مقاوله وكنت محتاج كهربائية وانت شكلك طيب وتستاهل انا هديك جميع الشقق اللي في البرج الدور في شقتين يبقي 24 شقه بس لازم تيجي معايا دلوقتي 

• عادل: فرح وقاله بجد انا كنت محتاج الشغل ضروري

• هاجي معاك بس دقيقه لما نطمن علي الشاب

• وعادل بيتكلم مع المقاول جت عربيتين الشرطه و الاسعاف اخدت الاسعاف الشاب للمشتسفي. سال الظابط الناس علي اللي حصل الكل قال ان عادل هو اللي فصل الكهرباء عن العمود وهو اللي انقذ الشاب في اخر لحظه وهو اللي شاله وركنه.علي جنبب. سال الظابط علي عادل وقاله تعالي معايا..

• افتكر عادل ان اللي بيعمل خير بيتحول ضدته في الزمن ده

• عادل: ليه ياباشا انا كل اللي عملته فصلت التيار وشلت الشاب وركنته بعيد لحد ما الاسعاف تيجي

• الظابط: تعالي معنا وفي القسم هنعرف ايه اللي حصل

• عادل: معلهش طيب في شغل مهم معايا دلوقتي لازم اروحه

• الظابط: شغل ايه بقولك تعالي معايا..انا مش شغلي عملت خير ولا لا انا شغلي تيجي معايا وهنعرف هناك اللي حصل.

• عادل: ياباشا انا كنت ماشي ولقيت عمود واقع وشاب بيموت استني لما المتخصصين تيجي. والشاب يقعد مرمي يعني.

• الظابط: انا عارف انك عملت خير بس لازم نروح القسم وهتخرج من هناك بس بعد ما نخلص الاجرءات

• قال عادل للرجل: ينفع حضرتك لما اخرج اجي اشوف البرج

• المقاول: انا كنت محتاجك دلوقتي انا رايح البرج دلوقتي عشان المهندس اللي ماسك البرج هييجي يشوف البرج ولازم يلاقي كل المهن شغاله معلش لازم اشوف حد غيرك تلاقي المهندس رايح دلوقتي ده حتي سكنه هنا في المنطقة دي .. معلش بقا حظك كده ياعادل للاسف مستعجلين

• عادل: ههههه انا دايمآ حظي كده حظي وحش في الحب البنت اللي حبيتها سبتني وشفتني فاشل وحظي وحش في الشغل اشتغلت مية شغلانه وسبتها. وحش حتي في الاصحاب بيطلعوا في الاخر مش صحاب.راح عادل قسم الشرطه مع الظابط..هناك اتساب عادل في الحجز.وبات كمان ليله في الحجز عشان مكنش في حد فاضي يسمعه.. لحد ما الظابط فضي ليسمع اقواله وبعد ما خلص التحقيق وتم الافراج عنه. راح عادل لصحبه البيت تاني يوم يطمن عليه. قاله صاحبه

• صاحبه: ايه يا ابني فينك برن عليك الفون مقفول ايه مالك

• حكي عادل لصاحبه علي اللي حصل وعلي الفرصة اللي ضاعت منه وخسارته للشغلانه الكبيرة اللي كان هياخدها وهي البرح المكون من 24 شقه. بسبب ان عمل خير.

• صاحبه: انت تفرح ان الناس شافتك بطل وانقذت الشاب.

• وبعد ساعات فتح صاحبه النت لقي فيديو عادل. لما فصل التيار الكهربائي عن العمود وانقذ الشاب موجود علي جميع مواقع التواصل الاجتماعي.. نادى على عادل وهو مبسوط وقاله تعالي يا بطل شوف الناس بتقول عليك ايه انت بقيت اشهر من نجوم العالم حد صور الفيديو ونزله علي النت وكل الجرايد والصفحات بتتكلم عنك قاله عادل بجد مش مصدق تاني يوم الفيديو وصل لوزير الكهرباء حب يكافئ عادل فتم تعيين عادل في وزارة الكهرباء ومن المسئولين عن توصيل اعمدة انارة الشوارع وبقي ليه وظيفه ثابته عادل مكنش مصدق اللي حصله في لحظه بقي مشهور وبطل في اعين الناس.. قاله صاحبه عرفت دلوقتي ان ربنا بيكافئ الانسان المجتهد عرفت ان تعبك مش هيروح ببلاش شوفت ترتيبات ربنا ان انا تعبت.. عشان انت تروحني ومروحش الشغل وانت كمان حبيت ترجع بيتك وانت مروح تمشي من الطريق ده وتنقذ الشاب وتبقي مشهور وتتوظف في الوازرة بعد ماكنت مش لاقي شغلانه ……

• المفاجاءة هنا كمان ان المهندس ميروحش البرج لان الشاب الصغير ده طلع ابن المهندس. كان سايق درجته ورايح الدرس

• اتفاجئ عادل والمقاول بيتصل بيه وبيقوله المهندس عايزك

• المهندس: عادل انا بشكرك انك انقذت ابني المقاول حكى لي علي اللي حصل. احنا مستنينك النهارده وانا مصمم ان انت اللي تاخد شغل الكهرباء للبرج كله. شوف بقا مجموعة معاك وتعالي براحتك انا مستنيك يااستاذ عادل وشكرا انك نقذت ابني انا مش عارف اقولك ايه انتا انسان جميل ياعادل. فرح عادل ومكنش مصدق نفسه كان حاسس انه بيحلم في ثانية كده كل الامور تتقلب وربنا يفرحه بالفعل راح عادل وصاحبه البرج واتفقوا مع المهندس والمقاول بعد ما المهندس شكر

• عادل: انا لو اشتغلت معاك هشتغل نص يوم بس. علشان شغلي الجديد خلاص ياصاحبي اشتغل انت وحلال عليك صاحبه: انت هتكون المسئول عليه ياعادل ده شغلك انت وانت اللي جايبه تيجي بعد ماتخلص شغلك التاني يلا اتصل بصحابك اللي كانو بيشوفولك شغل علشان يتريقوا عليك وخليهم هما اللي ييجوا يشتغلوا معاك. ويلا نجمع مجموعة كبيره من ألشباب علشان الشغل كتير علينا وانت اللي هتكون المسئول

• عادل: هههههه انا مش مصدق ان بقي عندي شغلتين بعد ماكنت مش لاقي شغل. خلاص ياصحبي هتصل بصحابي واشغلهم معايا انا هكون احسن منهم انتا اللي علمتني كده انتا اجدع صاحب بجد.

• وعلمتني كمان ياصحبي: ان الفشل واليأس من اصعب الاحساس اللي الواحد بيحس بيه بس انت في ايدك تحول اليأس لفرح اقولك ازاي عارف ان اكتر ناس هيكون ليهم فضل عليك هما الناس الي خانوك وباعوك وقللوا من شانك الي بيقولوا لك دايما انت كويس انت تمام ده مش عايزك تتحرك من مكانك لان انت هاتحس ساعتها انك ناجح والناس كلها شيفاك حد كويس

• لكن لو كنت بتحب وحبيبك سابك لاي سبب من الاسباب ساعتها بتكون عايز تثبت ليه انك مش قليل واشتغلت لحد ماوصلت للي انت عايزه يبقي مين الي خلاك تبقي ناجح ووصلت لحلمك الشخص الي سابك وباعك اثبت دايما ليهم ان هتعرف تكمل حتي لو وحدك ومن غيرهم

• ما تقفش مكانك متخليش حد يهزمك عافر لحد ما توصل

• اللي يحبطك ده خليه هو السبب في نجاحك حول الهزيمة لنصر والحزن لفرح …. وخليك ديما متاكد ان

• ربنا يستجيب في اللحظة المهمة وفي الوقت المناسب

• الاسم/ متى معزوز لمعي
• اسم الشهره/ مايكل معزوز لمعي
• الدولة / مصر
• رقم الواتس/01281593779
• اميل الفيس
• https://www.facebook.com/michael.elgantl