ملخص. قصة حلم
مسابقة الرواية
أماني عبد القادر الخلعي ..مصر
ناريمان بنت السابعه عشر ..بنت جميله ذات عيون ملونه وبشرة مخمليه وشعر حريري منسدل حتى منتصف ظهرها ,,,كانت امها كلما طال شعرها تاخذها الى الصالون لتقصه لها ,, فقد كانت موضه الشعر القصير الغالبه فى الخمسينات والستينات ,,ام اولاد الذوات كانوا يقصون شعورهم خوفا من ان تلتطقتهم عين قناص ويصوب نحوهم سهامه
او من منطلق انتماءهم لعالم الغرب فى ذاك الوقت حيث انه كانت فيه الموضه السائده هى الشعر القصير ….
انهت ناريمان امتحان الثانويه العامه …قد كان اخر يوم فى الامتحانات رجعت من المدرسه وجدت اباها فى الفيراندا يحتسى قهوته فقد عاد هذا اليوم مبكرا من عمله
معلش الامتحانات اخدتك منى انا هدخل انام شويه عشان نمت متاخر امبارح عشان منهج الاحياء طويل اخد منى وقت,,, نظر اليها ابوها بحنان وقال تعبتى اوى يانانى ,,كل ده عشان تدخلى كلية الطب ,,,طب كنتى قوليلي وانا اشتريلك كلية طب لوحدك …ابتسمت نانى ابتسامه مريرة وقالت ,,,انت عارف ان حلمى انى اسافر فرنسا اكمل تعليمي هناك فقال لها ابوها اشمعنى فرنسا
قالت له الطب هناك متقدم نفسى الاقى علاج وارجعك تمشى من تانى وتكسر الدنيا
ثانيا ..فرنسا بلد الحريات
Liberte ,egalite ,fraternity
الحريه والاخاء والمساواه يادادى
حرية يعنى استقرار يعنى نعيم يعنى راحه يعنى تقدم فى كل حاجه ….
انا نفسى ارجعك تعيش عيشتك اللى كنت عايشها
بابا لا البيت ده ولا العيشه دى تليق بينا
احمدى ربنا يانانى احنا احسن من غيرنا …الحمد لله ربنا قدرنى انى ادخلك انتى اوخوكى فوءاد مدارس فرنساوى عشان ماتبقوش اقل من ولاد خالاتكم ولا ولاد اعمامكم اللى فى فرنسا
ايوه يابابا ماهم كمان زى حالاتنا بيبتدوا من الصفر
عن اذنك انا داخله انام دماغى هينفجر من الصداع
اتولدت ناريمان فى اوائل الستينات واتولد اخوها فوءاد بعدها باربع سنين لاب اسمه رشيد السرجاوى ابن السرجاوى باشا وام اسمها صفوت من اصل شركسى ذات عيون زرقاء كلون السماء وبشرة بيضاء محمره من اثر ثراء قديم
من عائله اقطاعيه كانت تملك مئات الافدنه كانت مزروعه قطن ومحالج كلها اتخدت منهم فالتاميم وكانت النتيجه اصابة الجد بالشلل النصفى من الصدمه
اما ابوها رشيد بيه اللى كان طالب وقتها فى سنه اولى فى جامعة السوربون وكان وقتها فى اجازته الصيفيه فى مصر وحضر واقعة التاميم وراى الوالد وهو ينهار على الارض فكان الامر اكبر من ان يحتمل فاصيب علاء بداء عضال من امراض الاعصاب كان يجعله طريح الفراش كلما بذل اقل مجهود. فلم يستطيع الاستمرار فى اى عمل وبقى فى البيت يعيش على معاش الاب وعلى ايراد ماتبقى لهم من ارض .
انا خايفه اوى من الخطوه دى اول مرة ابعد عنك انت وماما ,,التقابل مع مجتمع جديد عليه
صباح الفل يادكتورة …اهلا …ايه اللى انتى لبساه ده …لا احنا هنا ماينفعناش الكلام ده والستات بتمشي حشمه يعنى بلاش ابو نص كم ده وبلاش شعرك اللى باين
حاضر
انتى هتمسكى الوحده الصحيه وكمان اى طوارىء فى القريه هنا والقرى اللى جنبنا لان المستشفى بعيده …طب بس الامكانيات هنا ضعيفه …عادى اعملى ياللى تقدرى عليه ..ولاده طبيعيه معاكى ام سعيد القابله الحكوميه هتساعدك …جلسات تنفس للاطفال …علاج ضغط …غيبوبة سكر
تمام
طيب اطلعى الوقت استريحى من السفر وبكره نبتدى
عندك نباتشيه سهر بكره
نفسي انزل اتفرج عالبلد …هنزل …الله الترعه دى جميله اوى وشجر الزيزفون نازل بشعوره عليها زى ما يكون واحده ست بتغسل شعرها فيه والبط ياجماله
شيء بسيط و مريح للنفس
نبعد شويه عن المدينه بقسوتها .بنفاقها .
لما اروح كده بركة قارون …الله عالجمال …البركة فى الوقت ده من السنه بتفكرني باوروبا ,,,المطر والغيام وصيادين البط والسمان من كل مكان فى العالم
انتى شكلك مش من هنا
ايوه
منين
من مصر
طب بتعملى ايه هنا
جايه بشتغل طبيبه فى الوحده الصحيه
اخيرا …ذوقهم ارتفع فى دكاترة الوحده انا هعمل نفسي عيان عشان اجى كل يوم اكشف عندك ولو فيه تنويم عندكم احجزيلي
اسمى صلاح …خريج حقوق وحاليا فى التجنيد
ناريمان السرجاوى …من عيلة السرجاوى اللى فى الشرقيه
ياااه ده انتى اقطاعيه بقى
ابتسامه مريرة ….اه كانوا بيقولوا علينا كده …ودلوقت بقينا على باب الله
كلنا على باب الله …عالعموم اللى حصل ده هو العدل
ايه بقى العدل ده من وجهة نظرك
ان كل الناس تعيش …مش ناس مستاثرة بالنعم وناس عايشه تحت رجلهم
ده الناموس اللى ربنا خلق عليه الكون
وخلقناكم فوق بعض طبقات
ايوه بس الغنى كان بيادى حق الفقير مش بيستعبده
مفيش عبوديه ولا حاجه واحد بيادى شغل عند واحد وبياخد حقه اخر اليوم
وفى نظرك الحق ده كافى …
هو انتم هتشاركوا الناس فى املاكهم دى املاكنا ورثناها عن جدودنا انت جاى النهرده تاخدها منى وتديها لمن لا يستحق
الارض لمن يعرف كيف يزرعها لابنها الحقيقي اللى اتولد واتربي عليها يادكتورة
لا الارض لصاحبها
ياخبر لو اعرف ان كلامى دى هيطفى النور اللى شفته فى عينيكى اول ما جت فى عينيه
مكنتش قلته ابدا ….قد نكون مختلفين فى القناعات لكنى حاسس ان فيه شيىء اقوى بيجمعنى بيكى
ايه هو ….الكيميا اللى اتوجدت بيننا اول ما عينينا اتلاقوا
عيناك اجمل طفلتين تقرران بان هذا الخوف ماض وانتهى
خوف من ايه …الخوف من انك تقربي منى
انا عاوزة اروح الوقت اتاخر
طب هشوفك بكره هنا فى نفس المعاد
ربنا يسهل مش عارفه
مش قلنا بان هذا الماض قد ولى واختفى
سلام ياصلاح
سلام يااجمل من رات عيني
اللهم اعنى على مالم احط به خبرا
خلال كم يوم البلد كلها عرفت امر الدكورة الجديده اللى جايه من البندر
ولادات …طهور …ناس بتدخل تعبانه وتخرج تدعى لها
الناس حبوها وحسوا انها واحده منهم
تخلص شغل تجرى عالبركه ترمى فيها هموم اليوم …تجرى ,,تتنطط…تلعب سويدى …العيال يقفوا يبصوا عليها من بعيد ويضحكوا كانها كائن جاى من كوكب تانى …الناس شايفينها غريبه مش شبههم بس مش قادرين يمنعوا نفسهم يحبوها
الساعه اتنين بليل ..خبط على بابا الوحده
مين ….انى سعيد ابن العمده …خير ياسعيد
ابويا تعبان وعاوزك تشوفيه
ماله …عنده كرشة نفس
طيب ….سلامتك ياعمدة …الله يسلمك ,,, والله طبنا لما شفناك ياست الكل
نفسي مكروش اوى ومش قادر اتنفس
يمكن تقلت فى العشا …هههههههههه…اه والله علو قولتك يادكتورة واكل ييجى نص كيلو كبد على كلاوى على قلوب
قمر 14 اهه سكر قدامك اهه وجمالى مش على حد وهوايا ملهوش حد
وعمرى ما هتقابل حد وعمرى ما هتقابل حد بيحب الحب دهو
انا انا انا انا اهه و
ناريمان فى دنيا تانيه
وجه بكره وراحت ناريمان فى المعاد عند البركه تقابل صلاح وافتكرت اغنيه ما احلى الرجوع اليه
حلو صلاح عينيه بنى بلون النيل شعره اسود ناعم وبيتكلم كلام حلو عن عينيه اللى ما بيخافوش وعن الحريه والمساواه والاخاء ….مبادىء كل الثورات ضد الامبرياليه والراس ماليه والاستعمار ,,,زى ما قال صلاح
كل كلام صلاح حلو حتى لو كان مبيوافقش اللى جوايا …طب مايمكن انا اللى غلط ,,ما يمكن هو اللى صح ,,مايمكن احنا اخدنا اللى مش من حقنا ,,,طب ليه ناس تاخدكل حاجه وناس تعيش طول عمرها تشتغل عندهم …
انا اول مرة احس انى عايشه بجد ..انى ليه قلب ..انا من يوم ماوعيت عالدنيا معرفتش يعنى ايه حب …حتى فى مجتمع الكليه كنت بهرب من العلاقات عشان الناس متعرفش ظروفى ..انا كنت بستعر من الفقر اللى احنا فيه …كان عامل زى الخيمه فوق دماغى اخاف تطير لينفضح سرى ….
الفقر عمره ماكان عيب ولا فضيحه يووووه نسيتينى كنت هقولك ايه
ايه ,,,,,آآآآه ,,,,,بحبك
صلاح ,,,بحبك يااجمل حوريه طلعت لى من البركه
تتجوزيني
شفتى وشك احمر ازاى من الكسوف يعنى موافقه
ابتسمت ابتسامه واسعه وهزت راسها
انا نازله مصر يوم الخميس وهقول لبابا عشان تيجى تقابله
بابا انا بحب واحد وهو عاوز يتقدملك
عرفتيه منين
من الفيوم
من عيلة مين فى الفيوم
عيلة عم عواد مزارع على اد حاله بس معلم ولاده كويس فيهم الظابط والمحامى والمذيعه
يانهار اسود تتجوزى واحد ابوه فلاح من اللى املاك ابوكى اتسرقت منه عشان واحد زى ده يتملكها هو واللى زيه وييجى يعمل راسه براسنا ويتجوز مننا
بابا البلد اتغيرت الناس دى بوءم زيهم زينا وبقت راسهم براسنا
يمكن مابيدخلوش ولادهم مدارس لغات زيينا بس بندخل الاخر نفس الجامعه ونقعد فى نفس المدرج ونشتغل فى نفس الاماكن ..دلوقت البقاء للى ليه ولاء للنظام الاشتراكى وهما رضينا ام ابينا بوءم اسياد علينا والحال انقلب
بابا معارفنا وقرايبنا اللى منهم قدر يسافر سافر واللى فضل بيحاول يتجوز من السلطه عشان يعوض اللى راح منه …هيتجزونى انا يعملوا بيه ايه
وكمان والاهم
انا بحبه وبقيت بقتنع بكل حاجه يقولها لان عنده ولاء غريب لمعتقداته
انتى يابنتى مش كنتى عاوزه تسافرى تكملى تعليمك فى فرنسا ايه اللى خلاكى تغيرى رايك …
ايوه صحيح ماهو انا هاقنع صلاح يكمل تعليمه فى السوربون
معلش حبيبتى شغل صبح وبليل المكتب وما بينهما اجتماعات الحزب
فى كلام اننا داخلين على حرب مع اليهود
تاااااانى
وتالت ورابع بس الريس مستحلف لهم وبيقول انه هيرميهم في البحر
ان شاء الله
ايه ده اللى مكتوب فى الجرايد ده
جيشنا انسحب واليهود دخلوا سينا واستولوا عليها وعالجولان والقدس
متاخفيش ياحبيبتى دى مجرد جولة فى معركه لسه طويله ما بينا وبينهم
بس ناصر بيقول انه عاوز يتنحى
مش هيحصل ……………………………
طب ما نسافر بقي …..انتى مجنونه نسافر ونسيب البلد لمين
الريس مات …ناصر مات ….
متقوليش كده ناصر كان فكرة والفكرة لا تموت
لا هيموت بكره ييجي واحد يمحى اثره ويشطب على كل اللى عمله
ومين ده اللى هيمكنه ….الشعب كله عايش على ذكرى ناصر ومبادىء وكلام ناصر
انت واهم ,,,كل الشعوب ماشيه بمبدا عاش الملك مات الملك
انا اهه وعيلتى بالذات والشعب كله كنا بنحب الملك ولما مشى الملك نسيناه وبقينا نقعد نسمع اللى بيقوله جمال …يهتف نهتف وراه ونغنى مع الاغانى اللى اتكتب له
ناصر ياحريه ناصر ياوطنيه ياحريه ياوطنيه ياروح الامه العربيه ياناصر
عاش الملك مات الملك ….عاش ناصر راح ناصر
واحنا مكملين مع ناس مخترناهومش ….اتفرضوا علينا فرض
وجه السادات ورفضوا الشعب فى الاول وقالك دول فلول ناصر
خلص السادات عليهم مرة واحده وفضى للحكم
وصلاح شغال على كل الوشوش وماشى مع كل العصور
وبدات هجرة المصريين للخليج ورجعوا ومعاهم ظاهرة التدين ولبس الحجاب والنقاب كزى ديني فرضه الله فرض وليس كعرف كما كان فى الارياف والمناطق الشعبيه
صلاح ارغم ناريمان على لبس الحجاب وكان حجته عشان ربنا يرضى علينا ويبارك لنا فى حياتنا وهو اتاريه كان بيجارى العصر والظروف السايده وقتها
ناريمان حاسه انها كل مادا ما بتبعد عن اصولها ونشاتها …عائلتها الارستقراطيه والنادى وصحابها ووووووووووووو باريس
صعب اوى انك تتنقل من وسط اتعودت عليه لوسط تانى وثقافة تانيه
كلنا مسلمين ,,,كلنا عاوزين نقرب من ربنا لكن فى ناس الموضوع بالنسبه لها بيبقى اسهل من ناس
وابشع شيىء انك تشوف التدين اللى جواليك مجرد تدين شكلى وليس جوهرى
رئيس بيسلم رئيس وجيل ورا جيل بيسلموا بعض البلد
من الافنديه بالبدله والطربوش للبهوات ببدله من غير طربوش لشباب موضة الشارلستون والشعر الطويل واغانى فريق الخنافس لشباب الصحوة وشرايط الشعراوى والدقن والجلابيه القصيرة
من الشيوعيه الفجه فى عهد ناصر للانفتاح الامريكى الاستهلاكى فى عهد السادات
ومن بعده مبارك
وحلم ناريمان مابيفارقهاش رغم ضياعها وسط العالم المحيط بيها من شغل لاسرة وبيت وزوج واطفال واب ابتدت تبعد عنه حبه حبه وام لقت ليها هى كمان عالم موازى تنشغل بيه
كبر صلاح وابتدى يفكر ياخد مكتب فى العاصمه لانه شاف ان المكتب اللى فالبلد بقى صغير عليه وهيسيبه لحد من تلاميذه يشغله وهو بيسافر يوم فى الاسبوع يشقر عالمكتب
كبر صلاح وابتدت نفسه كمان تكبر وبقى عنده تضخم فى الذات وتضخم فى الطموح والاستحقاق
بقى شايق نفسه كبير على نانى وطول الوقت يعايرها بسمنتها وفشولة جسمها
ونسى العيون اللى مبتعرفش تكدب ولا تعرف تخاف وبقت لع علاقات مع ستات كتير من زباين المكتب وبقى راسمالى صرف اتعابه فى اى قضيه بالالوف وبيدخن السيجار والبايب
ونانى بالمقابل انزوت على نفسها وعلى تربية ولادها وعلى شغلها
نسيت طموحها القديم …نسيت كل حاجه الا انها ام لولدين معندهومش الا ام تراعى امورهم وهى بالتالى نزلت مصر مع جوزها بعد ما اخدوا شقه كبيرة فى حى راقى ومبقاش عندها وقت حتى لشغلها …كل وقتها بقى لبيتها ولولادها وحضور دروس الدين فى المسجد
انت اتغيرت ياصلاح ..فين مبادئك الاشتراكيه فين دفاعك غن الفقراء و حقهم فى الحياه انت ماتقبلش باى قضيه واتعابك العاليه اللىكل الناس بتتكلم عليها
مالعالم كله اتغير ياحبيبتى اشمعنى انا اللى مش هتغير الاشتراكيه سقطت والعالم كله واقع تحت سطوة الراسماليه واحنا لزم نواكب التغيير الحاصل لاننا فى عالم الصغير فيه بينداس تحت الرجلين والافكار طلعت بتموت مع موت اصحابها او بتنهزم تحت عجل عربات القطار اللى ما بيستناش حد واقف محلك سر .
داهم ناريمان المرض وسقطت طريحة الفراش لما لقت ولادها وجوزها كبروا فجأه
ومعادش حد فيهم محتاجها واقتصرت اجتماعتهم حول مائدة الافطار يوم الجمعه
احنا ما بنحسش اننا كبرنا الا لما نحس ان معادش لوجودنا قيمه فى حياة اللى حوالينا
ناريمان زاد عليها المرض ودكتور اقترح على والدها انها تسافر فرنسا فى مستشفى هناك متخصصه فى علاج مرضها وسافرت ناريمان تتعالج وكان معاها ابوها وامها اما صلاح فقال لها انا اسفه ياحياتى معايا قواضى وففيه جلسات مهمه لازم احضرها والحمد لله انا مطمن ان بابا وماما معاكى
كانت دايما بتسمع كلامه وهى مش مقتنعه بس فعلا مراية الحب عاميه او احنا بنكون مش عاوزين نصدق فى اللى بنحبهم حاجه وحشه عشان ما نكتشفش اد ايه احنا كنا مغفلين وسذج واد ايه كنا بنسىء لنفسنا احنا بنسىء اختياراتنا
وصلت الطيارة باريس واول ما التاكسى دخل المدينه نزلت دمعه من عيون ناريمان وهى بتقول لنفسها كنت اتمنى اجيكيى طبيبه ولا اجيكي مريضه
شافها ابوها وقال لها عارف اللى بتفكرى فيه وياما قلت لك حبي نفسك اكتر ما تحبي اى حد تانى ومتعمليش حاجه تخليكى مش متصالحه مع نفسك
عالعموم انجوووووى وافرحى انتى هنا فى باريس بلد الجن والنور
نشكر الرب لحقنا الموضوع فى اوله …كلمة الدكتور وهو بيطمن نانى وابويها
اللهم لك الف حمد….عمليه بسيطه الحمد لله وكم جرعه كيماوى وخلا ص
ومكثت نانى ى المستشفى بعد العمليه حوالى شهر وفيوم وهى بتفتح عينيها شافت قصادها شريف ابن خالتها داخل عليها الاوضه ….فتحت عينيها بصعوبه ودققت اوى لقيته فعلا شريف….الف سلامه عليكى ياناري وحشتينى
مش هتشدى حيلك بقى وتقومى بالسلامه عشان افسحك فى باريس فسحه محصلتش
هى سمعت كده وحست ان الروح دبت فى عروقها فجأه وقالت له انا بقيت كويسه اوى هنروح امتى قال لها نخلص علاج ونمد التذكرة كم يوم نشوف فيهم باريس
وشها نور زى طفل قالوا له العيد بكره
خرجت نانى من المستشفى بتمشى بالعافيه …شريف بيشتغل مترجم فى اليونيسكو جه من الصبح بدرى وجايب فان من شركة سياحة بتاعت واحد مغربي صاحبه
بص شريف لورا وقال لهم اول شىء نعمله هو اان انركب ال لو موش يفرجنا على نهر السين والمعالم اللى حواليه
بعدها راحوا يتفرجوا على كاتدرائيه نوتردام ناريمان كانت تعبانه مقدرتش تطلع معاهم ووالدتها خافت عليها من الهوا البارد وفضلت فى الفان مع شريف
بص لها شريف وقال ايه ياناريمان اللى انتى عملتيه فى نفسك ده
قالت له ايه
تتجوزى واحد مش من مستواك ياخدك يشغلك خدامه فبيته وداده له ولعياله ونسيتى طموحك القديم وذاتك وسبتيها تضيع فى ذات سي صلاح ده وياريتع يستاهل
اولا هو الست لما تخدم جوزها واولادها تبقي خدامه
ثانيا ايه بقى ياريته يستاهل
جوزك راجل نسونجى ومش مخلى لا واحده مستوى عالى ولا واحده بيئه
شغال على كله …
انت جبت الكلام ده منين
ليه مصادرى ماتفتكريش عشان انا هنا مش بطمن علي بنت خالتى اللى قضينا طفولتنا كلها سوا واللى كانت حلم بالنسبه لى
نانى انا بحبك من زمان وكنت بس مستنى اتثبت فى اليونسكو واجى اتجوزك واخدك هنا …واتفاجئت بجوازتك الهباب دى
انت انننننننت بتقول ايه …انت كداب وغيران ,,,صلاح بيحبنى ولا يمكن يكون كده
فوقى ياناريمان بقي الدنيا مش بالمثاليه اللى انتى فاكراها …فى دنيا تانيه موازيه لعالمنا عالم عيلتنا ,,,العالم ده كل همه انه ينط فوق كتفانا ويخلص علينا بالقاضيه وياخد مننا كل حاجه عشان الروس تتساوى ومحدش يبقى احسن من حد
انت انت كداب ,,,,كدااااااااااااااببببببببببب
ناريمان …..
ورجعت ناريمان مصر وكان صلاح مستنيها بنفس اللهفه اللى كان بيستناها بيها عند البركه ….حبيبتى ,,,روح قلبى ,,,الف سلامه عليكى
بصت له ناريمان نظرة كلها لوم لكنها كانت اضعف من انها تواجهه لان المرض كان هادد حيلها مش مخلى عندها اى جهد تصرخ لكن الصراخ كان محبوس جواها عامل زى الاعصار بيلف ويلف ياخد كل اللى فوشه آآآآآآآآآه ياكلب ياحقير ياواطى
آآآآآآه ياقلبى ياعمرى يا ايامى اللى راحت هدر
عينيها فى عينيه وهو بيبتسم ايتسامه صفرا …مالك ياعمرى فين نظرة عينيكى اللى بترجع الروح لقلبي التعبان
انت خنتنى مع كم واحده
خنتك ايه الكلام الكبير ده
ما تنكرش انا عرفت كل حاجه
دى مش خيانات سميه نرويح عن النفس …انتى عارفن اننا متجوزين من كم سنه من عشرين سنه واكتر الملل دخل حياتنا اللى بقت كلها روتين فى روتين وانا الروتين بيموتنى صدقينى انا محبتش حد غيرك انتى حبي الوحيد …رمانة ميزان حياتى اللى من غيره حياتى تنتهى وتنهار …..اى حد قالك على اى علاقه كلها تسالى تمضيه وقت
وانا مكانشش الوقت اللى بتمضيه ده مع الستات الشمال انا الاحق بيه
افتكر اخر مرة قلت لى بحبك امتى
اخر مرة اخدتنى فى رحلة لوحدينا
اخر سهرة رومانسيه قضيتها معايا
وانا اللى كنت بعذرك دايما واقول حرام حرام مشغول معندوش وقت يهرش فى راسه بيشتغل من نار عشان يامن لنا حياه كويسه
وانت نص وقتك بتقضيه فى الهلس
طلقنى ياكلب طلقنى ياحقير
اهدى يانانى مش كويس على صحتك العصبيه دى وكل اللي فدماغك ده اوهام
طلقنةى بقولك …انا عرفت كل حاجه ومعايا الادله على خياناتك
انا اللى غلطانه انى اتجوزت واحد واطى زيك مش من مستوايا ومستوى عيلتى وضحيت بكل احلامى عشانك
مستوى ايه ياام مستوى هو انتى وعيلتك كنتم لاقيين تاكلوا
عالعموم انا هطلقك بس فكرى كويس عشان انتى لسه مريضه وعلاجك هيتكلف واهلك طبعا لا حول ولا قوة
عاوة تروحى تتعالجى فالقصر العينى ولا مستشفيات الغلابه
فكرى كويس يابنت الناس لانك مش وش بهدله
انا اموت ولا اعيش مع كلب زيك ,,
رجعت ناريمان تعيش مع ابوها وامها فى شقتهم اللى فجاردن سيتى ,,,شقه كده من ريحة الزمن الجميل ولاول مرة من ساعة ما اتجوزت بتحس انها رجعت طفله من اول جديد تحظى برعايه ابوها وحنان امها …شعور ما يتوصفش مش هيعرفه الا اللى فقد اباه او امه او كلاهما ,,بتحس انك كبرت فجأه ,,ان ضهرك انحنى لانن العامود اللى كنت ساند عليه راح ,,معادش موجود
ابوها ياخدها فى حضنه ويقول لها ,,انا لو هبيع حته من جسمى عشان تكملى علاجك هابيعها
رجعت شغلها من جديد عشان تقدر تتعالج فى التامين الصحى وما ادراك ما التامين الصحى وطوابير التامين الصحى
كان مكتوب لها فى فرنسا علاج يتكلف حوالى الف جنيه فى الشهر
نظر طبيب التامين للروشته وضحك وقال لها مش عارف اقولك ايه يادكتورة انتى متخيله اننا نقدر نوفرلك شهريا علاج بالتكلفه العاليه دى
يعنى ممكن نوفرلك البديل المصرى ومش كله كمان
بس المصرى جودته اقل من المستورد يعنى زى قلته
ادى الله وادى حكمته دى امكانيات الدوله
يعنى هو وزير الصحه بيتعامل بردو مع امكانيات الدوله ولا اى وزير بيسافر يتعالج بره على نفقه الدولة
بلاش كلام فى السياسه لانه لا هيودى ولا يجيب
انا عيلتى اتسحبت منها املاكها بحجه ان الفقرا لازم يعيشوا كويس زى الاغنيا
لما انا كطبيبه اقع فريسة مرض عضال والدولة متقدرش تعالجنى
والله مانا عارف اقولك ايه …انا وزمايلى هنا ممكن فى اى وقت نكون فى نفس الموقف ..ندعو الله انه ينظر للاطباء بعين العطف واحوالهم تتحسن فى القريب العاجل
ناريمان قاعده فى درس الدين مسهمه والدكتورة اللى بتدى الدرس لمحتها
استنت لما الدرس خلص وسالتها عن سبب سرحانها
حكت لها حكايتها من اول ماسافرت فرنسا لحد ما راحت التامين الصحى
قالت لها دى معاناة شعب باكمله فضل ساكت على الفساد اللى بينخر فى كل ركن من اركان البلد لحد ما الناس لا بقت لاقيه تاكل ولا تتعالج واللى فوق مهربين فلوسهم بالمليارات فى بنوك سويسرا
والحل ايه
الحل هو الثورة لحد ما النظام الفاسد ده يرحل
انتى مشفتيش صفحه ,,كلنا خالد سعيد ,, عالفيس بوك
الشعب خلاص جاب اخره
فساد واستبداد وظلم
تنزلى معانا يوم 28 يناير
ننزل فين
نازلين التحرير
انزل انا معادش عندى حاجه اخسرها خلاص
منى ,,,,رامز ,,,,ولادى ,,,تنزلوا معانا التحرير يوم الجمعه 28 يناير
ننزل وياريت ياماما اللى اسمه مبارك ده يرحل وننزل نطالب برجوع الحكم الملكى من تانى
فى صفحات عالفيس بوك كتير اسمها
احمد فوءاد ملكا لمصر
ياريت ويرجهوا لنا املاكنا اللى اتنهبت
الشعب يريد اسقاط النظام الشعب يريد اسقاط النظام
حاسب يارامز …حسبي يامنى ,,بيتضرب علينا رصاص من سطوح العمارات
انزلوا استخبوا فى سلم المترو
تعالى ياوليه انتى ياللى عامله لى فيها ثورجيه تعالى هنا انا هنسيكى حاجه اسمها سياسه
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
